കോട്ടയം: കേരളത്തിലെ രണ്ടാമത്തെ രാജീവ് ഗാന്ധി സെന്‍റര്‍ ഫോര്‍ ബയോടെക്‌നോളജി ലാബിന് പാലാ ജനറല്‍ ആശുപത്രിയില്‍ തുടക്കം. കേന്ദ്ര ബയോടെക്‌നോളജി വകുപ്പിനു കീഴില്‍ പ്രവര്‍ത്തനം ആരംഭിച്ച ലാബിന്‍റെ ഉത്ഘാടനം ജോസ് കെ.മാണി എം.പി നിർവഹിച്ചു. ആധുനിക രോഗനിര്‍ണ്ണയ ഉപകരണങ്ങളുടെ സ്വിച്ച് ഓണ്‍ കര്‍മ്മം തോമസ് ചാഴികാടന്‍ എം.പി നിര്‍വഹിച്ചു.
ബയോടെക്‌നോളജി ലാബിനൊപ്പം സൗത്ത് ഇന്ത്യയിലെ ആദ്യത്തെ വൈറോളജി & മോളികുലാര്‍ ബയോളജി വിഭാഗം കൂടി പാലായില്‍ എത്തിക്കുക എന്നതാണ് അടുത്ത ലക്ഷ്യമെന്നും ജോസ് കെ മാണി പറഞ്ഞു. കൂടാതെ റേഡിയോ സ്‌കാന്‍ വിഭാഗവും മലയോര മേഖലയുടെ ആവശ്യകത കണ്ടറിഞ്ഞ് ആര്‍.ജി.സി.ബിയുടെ ഒരു പ്രാദേശിക ഗവേഷണ കേന്ദ്രം കൂടി പാലായില്‍ ആരംഭിക്കുമെന്നും അദ്ദേഹം അറിയിച്ചു.
ALSO READ: പട്ടയവിതരണം ത്വരിതപ്പെടുത്തുമെന്ന് മന്ത്രി എ.കെ. ശശീന്ദ്രന്‍
പാലായിലെ പുതിയ അന്താരാഷ്ട്ര നിലവാരത്തിലുള്ള ലാബ് വനിതകള്‍ക്കുൾപ്പെടെ നിരവധി തൊഴില്‍ അവസരങ്ങള്‍ സൃഷ്ടിക്കും. ഇതുകൂടാതെ കാര്‍ഷിക മേഖലയിലെ മുന്നേറ്റത്തിനുകൂടി ഉതകുന്ന ആധുനിക ഗവേഷണ സ്ഥാപനം ഇവിടെ ആരംഭിക്കുന്നതിന് കേന്ദ്ര സര്‍ക്കാരിനെ സമീപിച്ചിട്ടുണ്ടെന്നും ജോസ് കെ മാണി കൂട്ടിച്ചേർത്തു.
