കോട്ടയം: സംസ്ഥാനത്ത് കൊവിഡ് നിയന്ത്രണങ്ങൾ കടുപ്പിക്കുന്നു. കോട്ടയമുള്‍പ്പെടെ നാല് ജില്ലകൾ കൂടി സി കാറ്റഗറിയിൽ ഉള്‍പ്പെടുത്തി. പത്തനംതിട്ട, ഇടുക്കി, കൊല്ലം എന്നിവയാണ് സി കാറ്റഗറിയിലുള്‍പ്പെട്ട മറ്റ് ജില്ലകള്‍.
എന്താണ് സി കാറ്റഗറി ?
ജില്ലയിൽ ആശുപത്രിയിൽ പ്രവേശിപ്പിക്കപ്പെട്ടിട്ടുള്ള രോഗികളിൽ 25 ശതമാനത്തിൽ കൂടുതൽ കൊവിഡ് രോഗികൾ ആയാലാണ് ഒരു ജില്ലയെ കാറ്റഗറി സി-യിൽ ഉൾപ്പെടുത്തുന്നത്.
സി കാറ്റഗറിയിൽ തീയറ്ററുകൾ, ജിംനേഷ്യം, നീന്തൽ കുളങ്ങൾ എന്നിവ അടച്ചിടണം. മതപരമായ ചടങ്ങുകൾ ഓൺ ലൈനിൽ മാത്രം. കോളജുകളിൽ അവസാന സെമസ്റ്റർ ക്‌ളാസുകൾ മാത്രമേ ഓഫ്‌ലൈനിൽ നടക്കൂ. ഇവിടെ പൊതു പരിപാടികൾക്ക് വിലക്കേര്‍പ്പെടുത്തിയിട്ടുണ്ട്.
also read: കൊവിഡ് പ്രതിരോധം ശക്തമാക്കാൻ സർക്കാർ; സമൂഹ അടുക്കളകൾ പുനരാരംഭിക്കാൻ ആലോചന
നേരത്തെ തിരുവനന്തപുരം ജില്ല മാത്രമാണ് സി കാറ്റഗറിയിൽ ഉൾപ്പെട്ടിരുന്നത്. പുതിയ നാല് ജില്ലകളെ കൂടി ഉൾപ്പെടുത്തിയതോടെ സി കാറ്റഗറിയിലെ ആകെ ജില്ലകളുടെ എണ്ണം അഞ്ചായി.
