കണ്ണൂർ : ലോൺ തിരിച്ചടക്കാത്തതിൻ്റെ പേരിൽ മൂവാറ്റുപുഴ അർബൻ ബാങ്ക് ജീവനക്കാർ വീട് ജപ്‌തി ചെയ്‌ത് താഴിട്ട സംഭവത്തിൽ ഉദ്യോഗസ്ഥർക്കെതിരെ നടപടിക്ക് നിർദേശം നൽകിയിട്ടുണ്ടെന്ന് മന്ത്രി വി.എൻ. വാസവൻ. ഗവൺമെന്‍റ് നയങ്ങൾക്ക് വിരുദ്ധമാണ് താഴിട്ട് പൂട്ടിയ നടപടി. പ്രാഥമിക അന്വേഷണത്തിന്‍റെ അടിസ്ഥാനത്തിലാണ് ഉദ്യോഗസ്ഥർക്കെതിരെ നടപടി സ്വീകരിക്കുന്നതെന്നും മന്ത്രി പറഞ്ഞു.
വീട് ജപ്‌തി ചെയ്‌ത് താഴിട്ട സംഭവം : ഉദ്യോഗസ്ഥർക്കെതിരെ നടപടിയെന്ന് മന്ത്രി
മൂന്നോ നാലോ സെന്‍റ് മാത്രമുള്ള ഒരാളുടെ വീട് ജപ്‌തി ചെയ്യുമ്പോൾ അവർക്ക് മറ്റൊരു പാർപ്പിട സൗകര്യം ഒരുക്കി മാത്രമേ നടപടി എടുക്കാവൂ എന്നതാണ് സർക്കാർ നയമെന്നും വിഎന്‍ വാസവന്‍ കൂട്ടിച്ചേര്‍ത്തു.
