ബോംബ് പൊട്ടിത്തെറിച്ച് ഒമ്പതാം ക്ലാസുകാരന് പരിക്ക്

വൈകീട്ട് ക്രിക്കറ്റ് കളിച്ചുക്കൊണ്ടിരിക്കെയാണ് അപകടം

കണ്ണൂർ: മട്ടന്നൂർ പരിയാരത്ത് ബോംബ് പൊട്ടിത്തെറിച്ച് വിദ്യാർഥിക്ക് പരിക്കേറ്റു. വിജിൽ എന്ന ഒമ്പതാം ക്ലാസുകാരനാണ് പരിക്കേറ്റത്. വൈകിട്ട് 5.30ഓടെ പരിയാരത്ത് ഉസ്മാന്‍റെ പറമ്പിൽ ക്രിക്കറ്റ് കളിച്ചു കൊണ്ടിരിക്കെയാണ് സംഭവം. പറമ്പിലെ ഓല കൂട്ടത്തിനിടയിൽ പന്തെടുക്കാനായി പോയപ്പോൾ കണ്ട നാടൻ ബോംബ് വിജിൽ കയ്യിലെടുത്തപ്പോഴാണ് സ്ഫോടനം നടന്നത്. വിജിലിന്‍റെ മുഖത്തും കണ്ണിനും വലത് കൈക്കും ഗുരുതരമായി പരിക്കേറ്റു. കണ്ണൂർ എകെജി ആശുപത്രിയിലാണ് വിജിലിനെ ആദ്യം എത്തിച്ചത്. പിന്നീട് കുട്ടിയെ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.