ആലപ്പുഴ: ആലപ്പുഴയുടെ തീരപ്രദേശത്ത് ശക്തമായ കാറ്റ്. നഗരത്തിലെ ബീച്ചിന്‍റെ പരിസരത്ത് വീശിയടിച്ച കാറ്റിൽ മരം വീണ് വാഹനങ്ങൾക്ക് നാശനഷ്ടം. ജില്ലാ പൊലീസ് ആസ്ഥാനം, എസ്ബിഐ ശാഖ, എഫ്‌സിഐ ഗോഡൗൺ എന്നിവിടങ്ങളിലാണ് കാറ്റ് നാശം വിതച്ചത്.
ആലപ്പുഴയിൽ ശക്തമായ കാറ്റിൽ മരം വീണ് വാഹനങ്ങൾക്ക് നാശം
വൈകിട്ട് 3.15 ഓടെ ഉണ്ടായ ശക്തമായ കാറ്റില്‍ ആലപ്പുഴ എസ്‌പി ഓഫിസ് വളപ്പിലുണ്ടായിരുന്ന കൂറ്റൻ മാവിന്‍റെ ശിഖരം ഒടിഞ്ഞ് വീണ് നാല് കാറുകൾക്ക് കേടുപാട് സംഭവിച്ചു. ഫയർഫോഴ്‌സ് എത്തിയാണ് മരം മുറിച്ച് നീക്കിയത്. ആലപ്പുഴ ബീച്ചിന് സമീപം സ്ഥിതി ചെയ്യുന്ന എസ്ബിഐ ശാഖയ്ക്ക് മുന്നിൽ മരം വീണ് രണ്ട് കാറുകൾക്ക് കേടുപാട് സംഭവിച്ചു. ശക്തമായ കാറ്റിൽ എഫ്‌സിഐ ഗോഡൗണിന്‍റെ മേൽക്കൂരയുടെ ഷീറ്റ് പറന്നുപോയി.
