ആലപ്പുഴ: ജില്ല കലക്ടർ എസ് സുഹാസിന്റെ നേതൃത്വത്തില്‍ ആലപ്പുഴയിലെ ഭിന്നശേഷിക്കാർക്കായി ജോബ്‌ഫെയർ സംഘടിപ്പിച്ചു. ജനറൽ ആശുപത്രിക്ക് സമീപത്തെ എൻഎച്ച്എം ഹാളിലാണ് പരിപാടി സംഘടിപ്പിച്ചത്. കാക്കനാട് പ്രവർത്തിക്കുന്ന ഐ ടി സ്ഥാപനമാണ് തൊഴിൽ നൽകുന്നത്. 10-ാം ക്ലാസ്, പ്ലസ്‌ടു വിദ്യാഭ്യാസമുള്ളവര്‍ക്കായാണ് ജോബ് ഫെയര്‍ സംഘടിപ്പിച്ചതെങ്കിലും എംടെക് സൈബർ സെക്യൂരിറ്റി പഠിച്ചവർ വരെ അഭിമുഖത്തിന് എത്തിയിരുന്നു. ഏകദേശം മൂന്നുറോളം പേരാണ് രജിസ്‌ട്രേഷൻ ചെയ്തത്. ഇതിൽ പ്രാഥമിക യോഗ്യതയുള്ളവരെ ഇന്റർവ്യൂവിൽ പങ്കെടുപ്പിച്ചു.
കോയമ്പത്തൂർ, ചെന്നൈ, പൂനെ എന്നിവിടങ്ങളില്‍ പ്രവർത്തിക്കുന്ന കമ്പനികളിലേക്കാണ് ജോബ് ഫെയർ നടന്നത്. ഐ ടി കമ്പനിയിൽ നോൺ ഐ ടി മേഖലയിലാണ് നിയമനം നൽകുക. പാലിയേറ്റീവ് കെയർ ജില്ലാ കോ-ഓർഡിനേറ്റർ അബ്ദുള്ള ആസാദാണ് ജോബ് ഫെയറിന്റെ ജില്ലാ കോ-ഓർഡിനേറ്റർ. കൊഗ്നിസെന്റ് ഐ ടി കമ്പനിയുടെ പ്രതിനിധിയും ജോബ് ഫെയറിൽ പങ്കെടുത്തു.
