ന്യുഡൽഹി: വാണിജ്യ ആവശ്യത്തിനുള്ള പാചക വാതകത്തിന്‍റെ വില കുറഞ്ഞു. 19 കിലോഗ്രാം വാണിജ്യ സിലിണ്ടറിന് 36 രൂപയാണ് കുറഞ്ഞത്. ഡല്‍ഹിയില്‍ 19 കിലോയുള്ള വാണിജ്യ സിലിണ്ടറിന്‍റെ വില 2012.50 രൂപയില്‍ നിന്ന് 1976.50 ആയി കുറഞ്ഞു. കൊച്ചിയിൽ 1,991 രൂപയാണ് പുതിയ നിരക്ക്.
വാണിജ്യ സിലിണ്ടറിന്‍റെ വില കുറച്ച നടപടി ഹോട്ടലുകളുടെ പ്രവർത്തനങ്ങൾക്ക് നേട്ടമാകും. വീടുകളിൽ ഉപയോഗിക്കുന്ന പാചക വാതക സിലിണ്ടറിന്‍റെ വിലയിൽ മാറ്റമില്ല. ഗാർഹിക ഉപയോഗത്തിനുള്ള 14.2 കിലോ സിലിണ്ടറിന്‍റെ വില കഴിഞ്ഞ മാസം ആദ്യം 50 രൂപ വർധിപ്പിച്ചിരുന്നു.
