കൊവിഡിനെ തുടർന്ന് പെട്ടെന്ന് ഉണ്ടാകുന്ന സാമ്പത്തിക ആവശ്യങ്ങൾക്ക് എല്ലാവരും ആശ്രയിക്കുന്നത് സ്വർണ വായ്‌പയെ ആണ്. മിനിമം പേപ്പർ വർക്കിലൂടെ സ്വർണത്തിൻ മേൽ വായ്‌പ ലഭിക്കുന്ന പദ്ധതിയാണ് എസ്ബിഐ യോനോ ആപ്ലിക്കേഷനിലൂടെ അവതരിപ്പിക്കുന്നത്.
Also Read: ഇന്ത്യൻ വനിത ഹോക്കി ടീം താരങ്ങള്‍ക്ക് കാറും വീടും ; പ്രഖ്യാപനവുമായി സാവ്‌ജി ധോലാക്യ
എസ്‌ബിഐയുടെ സ്വർണത്തിന്മേലുള്ള ഏറ്റവും കുറഞ്ഞ പലിശ നിരക്ക് 8.25 ശതമാനം ആണ്. സെപ്റ്റംബർ 30 വരെ പലിശ നിരക്കിൽ 0.75 ശതമാനം ഇളവും ബാങ്ക് പ്രഖ്യാപിച്ചിട്ടുണ്ട്.
യോനോ ആപ്പിലൂടെ എങ്ങനെ സ്വർണ വായ്‌പക്ക് അപേക്ഷിക്കാം
ഘട്ടം-1
- യോനോ ആപ്പിൽ ലോഗിൻ ചെയ്യുക
- മെനുവിൽ നിന്ന് ലോണ്‍ ഓപ്ഷൻ ക്ലിക്ക് ചെയ്യുക
- ഗോൾഡ് ലോണ്‍ തെരഞ്ഞെടുക്കുക
- അപ്ലൈ ഓപ്ഷൻ ക്ലിക്ക് ചെയ്യുക
തുടർന്ന് വരുന്ന ഭാഗത്ത് പണയം വെക്കാൻ ഉദ്ദേശിക്കുന്ന ആഭരണത്തിന്‍റെ വിശദാംശങ്ങൾ നൽകുക.( ഏത് ടൈപ്പ് ആഭരണമാണ്, തൂക്കം, ക്യാരറ്റ്, ചെയ്യുന്ന ജോലി, മാസ വരുമാനം എന്നിങ്ങനെയുള്ള കാര്യങ്ങളാണ് നൽകേണ്ടത്). ശേഷം ആപ്ലിക്കേഷൻ സബ്‌മിറ്റ് ചെയ്യാവുന്നതാണ്
ഘട്ടം-2
പണയം വെക്കേണ്ട സ്വർണം, രണ്ട് പാസ്പോർട്ട് സൈസ് ഫോട്ടോ, ആവശ്യമുള്ള രേഖകൾ എന്നിവയുമായി എസ്ബിഐ ബ്രാഞ്ച് സന്ദർശിക്കുക. വായ്‌പക്കുള്ള അപേക്ഷയിൽ ഒപ്പ് വെച്ച് പണം കൈപ്പറ്റാവുന്നതാണ്.
18 വയസിന് മുകളിലുള്ളവർക്ക് ലോണിന് അപേക്ഷിക്കാവുന്നതാണ്. പെൻഷൻ വാങ്ങുന്നവര്‍ക്ക് വരുമാന ശ്രോതസ് തെളിയിക്കേണ്ട ആവശ്യം ഇല്ല.
