ന്യൂഡൽഹി: വിപണിയിലെ എല്ലാ കമ്പനികൾക്കും സർക്കാർ 5 ജി സ്പെക്ട്രം ട്രയൽ അനുവദിക്കുമെന്ന് വാർത്താവിനിമയ മന്ത്രി രവിശങ്കർ പ്രസാദ്. എല്ലാ കമ്പനികൾക്കും ട്രയലിനായി 5 ജി സ്പെക്ട്രം നൽകാൻ തീരുമാനമെടുത്തെന്നും, 5 ജി എന്നാൽ ഭാവിയും, വേഗതയുമാണെന്നും, 5 ജിയിൽ പുതിയ കണ്ടുപിടിത്തങ്ങൾ പ്രോത്സാഹിപ്പിക്കുമെന്നും അദ്ദേഹം കൂട്ടിച്ചേർത്തു.
ചൈനീസ് ടെക്നോളജി പ്രമുഖനായ ഹുവായിക്കും ട്രയൽ റണ്ണിന് അംഗീകാരം ലഭിച്ചതായി വൃത്തങ്ങൾ അറിയിച്ചു. മോഷ്ടിച്ചതോ നഷ്ടപ്പെട്ടതോ ആയ മൊബൈൽ ഫോണുകൾ കണ്ടെത്തുന്നതിന് സഹായിക്കുന്ന ഒരു വെബ് പോർട്ടലും വാർത്താവിനിമയ മന്ത്രിആരംഭിച്ചു. പൈലറ്റ് അടിസ്ഥാനത്തിൽ ഈ വർഷം സെപ്റ്റംബറിൽ മുംബൈയിൽ ഈ പദ്ധതി ആരംഭിച്ചിരുന്നു.