ലോകബാങ്കിന്‍റെ ബിസിനസ് സൗഹൃദ റാങ്കിംഗിങ്ങിള്‍ നില മെച്ചപ്പെടുത്താമെന്ന പ്രതീക്ഷയില്‍ കേന്ദ്ര സര്‍ക്കാര്‍. റാങ്കിംഗ് പട്ടികയിലെ ആദ്യ അമ്പത് സ്ഥാനങ്ങള്‍ക്കുള്ളില്‍ ഇടം പിടിക്കാന്‍ സാധിക്കുമെന്നാണ് ഇന്ത്യയുടെ പ്രതീക്ഷ.
അതിര്‍ത്തി കടന്നുള്ള വ്യാപാരത്തിലും നികുതി അടയ്ക്കലിലും മുന്‍ വര്‍ഷത്തെക്കാള്‍ മികച്ച പ്രകടനം ഈ വര്‍ഷം ഇന്ത്യക്ക് നടത്താന്‍ സാധിച്ചിട്ടുണ്ടെന്നാണ് സാമ്പത്തിക വിദഗ്ദര്‍ അവകാശപ്പെടുന്നത്. കഴിഞ്ഞവര്‍ഷം നൂറാം സ്ഥാനത്തിയാിരുന്ന ഇന്ത്യ ഈ വര്‍ഷത്തെ പട്ടികയില്‍ 77ാം സ്ഥാനത്തേക്ക് ഉയര്‍ന്നിരുന്നു. ഇനിയും മികച്ച പ്രകടനം കാഴ്ച വെച്ച് വരും വര്‍ഷങ്ങളില്‍ റാങ്കിംഗില്‍ മുന്നേറ്റം നടത്താനാണ് ഇന്ത്യയുടെ ശ്രമം. ഈ വര്‍ഷം ഒക്ടോബറില്‍ പുതിയ റാങ്കിംഗ് പട്ടിക പുറത്ത് വിടും.
