മികച്ച പ്രകടനങ്ങള്‍ കാഴ്ചവെച്ച് സിനിമാപ്രേമികളുടെ മനസില്‍ ഇടംനേടിയ തെന്നിന്ത്യന്‍ നടി കീര്‍ത്തി സുരേഷിന്‍റെ പുതിയ ബഹുഭാഷ ചിത്രം പെന്‍ഗ്വിന്‍റെ ടീസര്‍ പുറത്തിറങ്ങി. ആമസോണ്‍ പ്രൈമിലൂടെ ജൂണ്‍ 19ന് റിലീസ് ചെയ്യുന്ന ചിത്രം സൈക്കോളജിക്കല്‍ ത്രില്ലറാണ്. തന്‍റെ കുഞ്ഞിനെ രക്ഷിക്കാനുള്ള ഒരു അമ്മയുടെ സാഹസിക ശ്രമങ്ങളാണ് ചിത്രം പറയുന്നത്. ദു:സ്വപ്നങ്ങള്‍ സത്യമായി മാറിയ അമ്മയെന്നാണ് ടീസര്‍ പങ്കുവെച്ചുകൊണ്ട് കീര്‍ത്തി സുരേഷ് കുറിച്ചത്. ത്രില്ലിങ് രംഗങ്ങള്‍ ഉള്‍പ്പെടുത്തിയുള്ള ടീസറിന് മികച്ച പ്രതികരണമാണ് സമൂഹമാധ്യമങ്ങളില്‍ ലഭിക്കുന്നത്. തമിഴ്, തെലുങ്ക്, മലയാളം എന്നീ ഭാഷകളിലായി റിലീസിനൊരുങ്ങുന്ന ചിത്രം കാര്‍ത്തിക് സുബ്ബരാജ്, സ്റ്റോണ്‍ ബെഞ്ച് ഫിലിംസ്, പാഷന്‍ സ്റ്റുഡിയോസ് എന്നിവര്‍ ചേര്‍ന്നാണ് നിര്‍മിച്ചിരിക്കുന്നത്. ഈശ്വര്‍ കാര്‍ത്തിക്കാണ് പെന്‍ഗ്വിന്‍ സംവിധാനം ചെയ്തിരിക്കുന്നത്. സന്തോഷ് നാരായണനാണ് സംഗീതം ഒരുക്കിയിരിക്കുന്നത്.
- " class="align-text-top noRightClick twitterSection" data="">
