മലപ്പുറം: പ്രധാനമന്ത്രി നരേന്ദ്രമോദിയുടെ ജന്മനക്ഷത്രനാളില്‍ അഭീഷ്ടസിദ്ധി പൂജ നടത്തി പാര്‍ട്ടി പ്രവര്‍ത്തകര്‍. ബിജെപി പൊന്നാനി പാര്‍ലമെന്‍റ് മണ്ഡലം കമ്മിറ്റിയുടെ നേതൃത്വത്തില്‍ പന്നിയൂര്‍ വരാഹമൂര്‍ത്തി ക്ഷേത്രത്തിലായിരുന്നു പൂജ. നരേന്ദ്ര മോദി നേതൃത്വം നല്‍കുന്ന ബിജെപി സര്‍ക്കാര്‍ വീണ്ടും അധികാരത്തിലേറാന്‍ വേണ്ടിയാണ് പൂജ നടത്തിയതെന്ന് പൊന്നാനി മണ്ഡലം സ്ഥാനാർഥി പ്രൊഫസർ വി ടി രമ പറഞ്ഞു. തെരഞ്ഞെടുപ്പ് കമ്മിറ്റി കൺവീനർ ആർ കെ നാരായണൻ മാസ്റ്റർ, മലപ്പുറം ജില്ലാ ജനറൽ സെക്രട്ടറി രവി തോലത്ത്, മഠത്തിൽ രവി എന്നിവർ ചടങ്ങില്‍ സംബന്ധിച്ചു.
നരേന്ദ്രമോദിയുടെ ജന്മനക്ഷത്രനാളില്‍ അഭീഷ്ടസിദ്ധി പൂജ നടത്തി പാര്‍ട്ടി പ്രവര്‍ത്തകര്‍
