ക്ഷേത്രത്തിന് സമീപം നാടൻ ബോംബ് കണ്ടെടുത്തു

വരും ദിവസങ്ങളിലും പരിശോധന തുടരും.

കണ്ണൂർ: വടകരയിൽ പൊലീസ് നടത്തിയ പരിശോധനയിൽ നാടൻ ബോംബ് കണ്ടെടുത്തു. വടകര റൂറൽ എസ്പിയുടെ നിർദേശപ്രകാരം സിഐ അബ്‌ദുൾ കരീമും സംഘവും നടത്തിയ പരിശോധനയിലാണ് കീഴൽ ക്ഷേത്രത്തിന് സമീപത്ത് നിന്ന് ഒരു നാടൻ ബോംബ് കണ്ടെത്തിയത്. ബോംബ് പ്ലാസ്‌റ്റിക് കവറിൽ സൂക്ഷിച്ച നിലയിലായിരുന്നു. കഴിഞ്ഞ ദിവസങ്ങളിൽ മേഖലയിൽ നടന്ന ബോംബ് സ്ഫോടനത്തിന്‍റെ പശ്ചാതലത്തിലായിരുന്നു പരിശോധന. വരും ദിവസങ്ങളിലും പരിശോധന തുടരുമെന്ന് പൊലീസ് അറിയിച്ചു. പിടികൂടിയ ബോംബ് പിന്നീട് നിർവീര്യമാക്കി.