തിരുവനന്തപുരം: കാട്ടാക്കടയില്‍ ഭാര്യയെ വെട്ടിക്കൊലപ്പെടുത്തിയ ശേഷം ഭർത്താവ് ആത്മഹത്യ ചെയ്തു. കാട്ടാക്കട സ്വദേശി ശിവാനന്ദനാണ് ഭാര്യ നിർമ്മലയെ വെട്ടിക്കൊലപ്പെടുത്തിയത്. കൃത്യത്തിന് ശേഷം ഇയാള്‍ ആസിഡ് കുടിച്ചു. നിര്‍മ്മല സംഭവ സ്ഥലത്ത് വെച്ച് തന്നെ മരിച്ചു. ശിവാനന്ദനെ നാട്ടുകാരും പൊലീസും ചേര്‍ന്ന് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കുടുംബ പ്രശ്നമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം. നിര്‍മ്മലയുടെ കഴുത്തിലാണ് വെട്ടേറ്റത്.
ഭാര്യയെ വെട്ടിക്കൊലപ്പെടുത്തി ഭര്‍ത്താവ് ആത്മഹത്യ ചെയ്തു
ഏഴ് വർഷമായി നിർമ്മലയുമായി പിണങ്ങി കഴിഞ്ഞിരുന്ന ശിവാനന്ദൻ സഹോദരിയുടെ വീട്ടിലാണ് താമസിച്ചിരുന്നത്. പഞ്ചായത്ത് അനുവദിച്ച വീടുമായി ബന്ധപ്പെട്ട് ശിവാനന്ദനും നിർമ്മലയും തമ്മിൽ തർക്കമുണ്ടായിരുന്നെന്ന് നാട്ടുകാര്‍ പറഞ്ഞു. സംഭവ സമയം ഇവരുടെ രണ്ട് ആൺ മക്കളിൽ ഒരാൾ വീട്ടിലുണ്ടായിരുന്നു.
