ഗാസിയാബാദിൽ യുവതിയെയും ആണ്‍സുഹൃത്തിനെയും വെടിവച്ചു കൊന്ന കേസില്‍ ഡൽഹി പൊലീസ് ഉദ്യോഗസ്ഥൻ അറസ്റ്റിൽ. താനുമായുള്ള ബന്ധം യുവതി അവസാനിപ്പിച്ചതാണ് പൊലീസുകാരനെ കൊലപാതകം നടത്താന്‍ പ്രേരിപ്പിച്ചതെന്ന് അന്വേഷണ സംഘം അറിയിച്ചു.
ദിവസങ്ങള്‍ക്ക് മുമ്പാണ് പ്രീതിയുടെയുംസുഹൃത്ത് സുരേന്ദ്രയുടെയുംമൃതദേഹം ഗാസിയാബാദിലെ സായി ഉപവന്‍ ക്ഷേത്രത്തിന് സമീപത്ത്നിന്ന് പൊലീസ് കണ്ടെടുത്തത്. പ്രീതിയും സുരേന്ദ്രയും തമ്മിലുള്ള വിവാഹം നിശ്ചയിച്ചിരുന്നു.ഇരുവരെയും കാണാനില്ലെന്ന് പ്രീതിയുടെ പിതാവ് പരാതി നല്‍കിയിരുന്നു. തുടര്‍ന്ന് പൊലീസ് നടത്തിയ അന്വേഷണത്തിലാണ് ഇരുവരുടെയും മൃതദേഹം കണ്ടെത്തിയത്. ഡല്‍ഹി ട്രാഫിക് പൊലീസ് അസിസ്റ്റന്‍റ്സബ് ഇന്‍സ്‌പെക്ടര്‍ ആയ ദിനേശുമായി പ്രീതിക്ക് മുമ്പ് ബന്ധമുണ്ടായിരുന്നതായി അന്വേഷണ സംഘം കണ്ടെത്തി.
താനുമായുള്ള ബന്ധം അവസാനിപ്പിച്ച് സുരേന്ദ്രയുമായി വിവാഹം നിശ്ചയിച്ചതാണ് ദിനേശിനെ പ്രകോപിപ്പിച്ചതെന്ന് പൊലീസ് പറഞ്ഞു. സിസിടിവി ദൃശ്യങ്ങളില്‍ നിന്ന് കൃത്യം നിര്‍വ്വഹിച്ചത് ദിനേശാണെന്ന് കണ്ടെത്തി. പ്രീതിയും സുരേന്ദ്രയും ക്ഷേത്രത്തില്‍ പോകുമ്പോള്‍ ദിനേശ് അവരെ പിന്തുടരുകയായിരുന്നു. ക്ഷേത്രദര്‍ശനത്തിന് ശേഷം പുറത്തിറങ്ങിയപ്പോള്‍ ദിനേശ് ഇരുവരുമായി വാക്കുതർക്കത്തിലേർപ്പെട്ട് വെടിയുതിർക്കുകയായിരുന്നു. ദിനേശ് ഉപയോഗിച്ചതോക്കും സഞ്ചരിച്ച കാറും പൊലീസ് കണ്ടെടുത്തു.
