ന്യൂഡല്‍ഹി: ചലച്ചിത്ര രംഗത്തെ സമഗ്ര സംഭാവനയ്ക്കുള്ള ദാദാസാഹിബ് ഫാല്‍ക്കെ പുരസ്‌കാരം പ്രശസ്‌ത നടി വഹീദ റഹ്മാന് (Bollywood legend Waheeda Rehman). കേന്ദ്രമന്ത്രി അനുരാഗ് താക്കൂറാണ് പ്രഖ്യാപനം നടത്തിയത്. പത്മശ്രീയും പത്മഭൂഷണും ലഭിച്ചിട്ടുണ്ട്. ഇന്ത്യന്‍ സിനിമയ്‌ക്ക് മഹത്തായ സംഭാവനകള്‍ ലഭിച്ച വ്യക്തിയ്‌ക്ക് നല്‍കുന്നതാണ് ദാദ സാഹിബ് ഫാല്‍ക്കെ ലൈഫ് ടൈം അച്ചീവ്‌മെന്‍റ് അവാര്‍ഡ് (Dadasaheb Phalke Award to Waheeda Rehman).
'ഇന്ത്യന്‍ സിനിമയ്‌ക്ക് നല്‍കിയ മഹത്തായ സംഭാവനകള്‍ക്കുള്ള ഇത്തവണത്തെ അഭിമാനകരമായ ദാദാസാഹിബ് ഫാല്‍ക്കെ ലൈഫ് ടൈം അച്ചീവ്‌മെന്‍റ് അവാര്‍ഡ് വഹീദ റഹ്മാന് ജിക്ക് നല്‍കുന്നുവെന്ന്' കേന്ദ്ര മന്ത്രി അനുരാഗ് താക്കൂര്‍ പ്രഖ്യാപനത്തിന് പിന്നാലെ എക്‌സില്‍ കുറിച്ചു. 'അവാര്‍ഡ് പ്രഖ്യാപിക്കുന്നതില്‍ തനിക്ക് അഭിമാനവും സന്തോഷവും ഉണ്ടെന്നും' അദ്ദേഹം എക്‌സില്‍ വ്യക്തമാക്കി (Anurag Thakur Post On X About Dadasaheb Phalke Award).
-
I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
— Anurag Thakur (@ianuragthakur) September 26, 2023 " class="align-text-top noRightClick twitterSection" data="
Waheeda ji has been critically acclaimed for her…
">I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
— Anurag Thakur (@ianuragthakur) September 26, 2023
Waheeda ji has been critically acclaimed for her…I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
— Anurag Thakur (@ianuragthakur) September 26, 2023
Waheeda ji has been critically acclaimed for her…
ജീവിതവും സിനിമയിലേക്കുള്ള അരങ്ങേറ്റവും: തമിഴ്‌നാട്ടിലെ ചെങ്കല്‍പേട്ട് എന്ന സ്ഥലത്ത് ഒരു സാധാരണ മുസ്‌ലിം കുടുംബത്തിലാണ് വഹീദ റഹ്മാന് (Waheeda Rehman Movies) ജനിച്ചത്. ചെറുപ്പം മുതല്‍ ഡോക്‌ടര്‍ ആകണമെന്ന് ആഗ്രഹിച്ചിരുന്ന വഹീദയ്‌ക്ക് വേണ്ട വിധത്തില്‍ വിദ്യാഭ്യാസം നേടാന്‍ കഴിഞ്ഞില്ല. മികച്ച ഭരതനാട്യം നര്‍ത്തകിയായിരുന്നു വഹീദ റഹ്മാന്. ഭരതനാട്യത്തില്‍ മികച്ച കലാകാരിയായി മുന്നോട്ട് നീങ്ങുമ്പോഴായിരുന്നു തെലുഗു ചിത്രത്തിലൂടെ സിനിമ മേഖലയിലേക്കുള്ള അരങ്ങേറ്റം. ജൈ സിംഹ എന്ന ചിത്രത്തിലാണ് വഹീദ ആദ്യമായി അഭിനയിച്ചത് (Bollywood Actor Waheeda Rehman).
തെലുഗു ചിത്രങ്ങളില്‍ അഭിനയിക്കവേ ഹിന്ദി സിനിമയില്‍ ലഭിച്ച അവസരങ്ങളാണ് താരത്തെ പ്രശസ്‌തിയിലേക്ക് ഉയര്‍ത്തിയത്. 'രാജ്‌ ഘോസ്ല'യുടെ സംവിധാനത്തില്‍ ഒരുങ്ങിയ 'സിഐഡി' എന്ന സിനിമയിലൂടെയാണ് ബോളിവുഡിലേക്കുള്ള വരവ്. 1950- 60 കാലഘട്ടങ്ങളില്‍ ഹിന്ദി സിനിമ പ്രേമികളുടെ ഇഷ്‌ട താരമായിരുന്നു വഹീദ റഹ്മാന്. അഞ്ച് പതിറ്റാണ്ടിലേറെ നീണ്ട സിനിമ കരിയറില്‍ 90 സിനിമകളിലാണ് താരം വേഷമിട്ടത്.
കാഗസ് കെ ഫൂല്‍, ഗൈഡ്, പ്യാസ, ചൗധ്വിന്‍ കാ ചാന്ദ്, സാഹിബ് ബിവി ഔര്‍ ഗുലാം, ഖാമോഷി തുടങ്ങിയ ചിത്രങ്ങളിലെ മികച്ച അഭിനയത്തിന് നിരൂപക പ്രശംസ പിടിച്ച് പറ്റിയ താരമാണ് വഹീദ റഹ്മാന്. ബോളിവുഡ് നടന്‍ ദേവ് ആനന്ദിന്‍റെ (Bollywood Actor Dev Anand) നൂറാം ജന്മവാര്‍ഷികമായ ഇന്നാണ് (സെപ്‌റ്റംബര്‍ 26) പുരസ്‌കാരം പ്രഖ്യാപിച്ചത്. വഹീദ റഹ്‌മാന്‍റെ ഏറ്റവും പ്രിയപ്പെട്ട ചിത്രങ്ങളിലൊന്നായ 'ഗൈഡില്‍' അദ്ദേഹം സഹനടനായി വേഷമിട്ടിട്ടുണ്ട്. ഈ വര്‍ഷം അവസാനം നടക്കുന്ന ചടങ്ങില്‍ താരം പുരസ്‌കാരം ഏറ്റുവാങ്ങും.
