തെലങ്കാന: വാഹനാപകടങ്ങള്‍ കണ്ട് ചിരിവരുന്നത് അത്യപൂര്‍വമായാണ്. ഇത്തരം ഒരു സംഭവം നടന്നിരിക്കുകയാണ് തെലങ്കാനയിലെ ഖമ്മം ജില്ലയിലെ രാവിച്ചേത്തു ബസാറില്‍ നടന്നത്. കടയില്‍ ഉപഭോക്താക്കൾ ഇല്ലാതിരുന്നതിനാല്‍ പരസ്പരം സംസാരിച്ചിരിക്കുകയായിരുന്നു ജീവനക്കാർ.
ഇതിനിടെ ശര വേഗത്തില്‍ ഒരു ബൈക്ക് കടയിലേക്ക് പാഞ്ഞ് കയറി. ബൈക്കിലിരുന്നയാള്‍ തുണികള്‍ അടുക്കിവച്ച അലമാരകള്‍ക്ക് ഇടയിലേക്ക് തെറിച്ചു വീണു. പെട്ടന്ന് എഴുന്നേറ്റ ബൈക്ക് യാത്രികൾ അപകടം കണ്ട് ഞെട്ടിത്തരിച്ച് നില്‍ക്കുന്ന തൊഴിലാളികളോട് തനിക്ക് ഒന്നും പറ്റിയിട്ടില്ലെന്ന് പറയുന്നു. അപ്പോഴും എന്താണ് സംഭവിച്ചതെന്ന് മനസിലാകാതെ നില്‍ക്കുകയാണ് കടയിലെ ജീവനക്കാർ.
വീഡിയോ വൈറല്‍ ആയതോടെ പൊലീസ് കേസ് രജിസ്റ്റര്‍ ചെയ്യുകയും അമിത വേഗത്തിലെത്തിയ ബൈക്ക് കസ്റ്റഡിയില്‍ എടുക്കുകയും ചെയ്തിട്ടുണ്ട്. സംഭവം നടന്ന് മൂന്ന് ദിവസത്തിന് ശേഷം കേസിന്‍റെ ഭാഗമായി ശേഖരിച്ച വീഡിയോ രംഗമാണ് വൈറലായത്.
Also Read: ലഷ്‌കർ ഇ ത്വയ്‌ബ കമാൻഡറെ പൊലീസ് പിടികൂടുന്ന ദൃശ്യം പുറത്ത്
