ഷോപിയാൻ : കശ്‌മീർ താഴ്‌വരയിൽ അപ്രതീക്ഷിതമായി കനത്ത മഞ്ഞുവീഴ്‌ച. ഒക്‌ടോബർ 18, 19, 20 ദിവസങ്ങളിലായി മലയോര മേഖലകളിൽ മഞ്ഞുവീഴ്‌ചയും സമതലങ്ങളിൽ മഴയും ഉണ്ടായി. ഹേരാപുര, സിദ്ധു, ദേവ്പുര കേലാർ തുടങ്ങിയ പ്രദേശങ്ങളിൽ 3 മുതൽ 4 ഇഞ്ച് വരെ മഞ്ഞുവീണു.
കശ്‌മീരിലെ മഞ്ഞുവീഴ്‌ചയുടെ ദൃശ്യങ്ങൾ
ദുരിതത്തിലായി കർഷകർ : അപ്രതീക്ഷിത മഞ്ഞുവീഴ്‌ചയിൽ ദുരിതത്തിലായിരിക്കുകയാണ് ആപ്പിൾ കർഷകർ. ശേഷിക്കുന്നവ വിളവെടുക്കാനൊരുങ്ങവെയുണ്ടായ മഞ്ഞുവീഴ്‌ചയിൽ ആപ്പിൾ മരങ്ങൾക്ക് കേടുപാടുകൾ സംഭവിക്കുമോയെന്ന ഭീതിയിലാണ് കർഷകർ. ഷോപിയാനിലെ മലയോര ജില്ലയിൽ ഏകദേശം 30% ആപ്പിൾ ഇപ്പോഴും മരങ്ങളിലാണ്.
2018, 2019 വർഷങ്ങളിൽ നവംബർ ആദ്യവാരം കശ്‌മീർ താഴ്‌വരയിൽ കനത്ത മഞ്ഞുവീഴ്‌ചയുണ്ടായതിനെ തുടര്‍ന്ന് ആപ്പിൾ തോട്ടങ്ങൾക്ക് നാശം സംഭവിച്ചിരുന്നു.
