ബെംഗ്ലൂരു: കള്ളനോട്ട് കേസിൽ കർണാടകയിൽ രണ്ട് വിദേശികൾ അറസ്റ്റിൽ. ബെംഗളൂരുവിൽ അനധികൃതമായി താമസിച്ചിരുന്ന ഇവരെ വ്യാഴാഴ്ചയാണ് അറസ്റ്റ് ചെയ്തത്. വ്യാജ അമേരിക്കൻ ഡോളർ കൈവശം വച്ചതിനും, വിസ കാലാവധി കഴിഞ്ഞിട്ടും രാജ്യത്ത് താമസിച്ചതിനുമാണ് ഇവരെ അറസ്റ്റ് ചെയ്തതെന്നും ബെംഗളൂരു സെൻട്രൽ ക്രൈം ബ്രാഞ്ച് പറഞ്ഞു.
സുബ്രഹ്മണ്യനഗറിൽ ഒരു ഹോട്ടലിൽ നടത്തിയ റെയ്ഡിലാണ് രണ്ട് കാമറോൺ സ്വദേശികൾ പിടിയിലായത്. പ്രതികളിലൊരാൾ മെഡിക്കൽ അറ്റൻഡന്‍റ് എന്ന പേരിലാണ് വിസ നേടിയിരുന്നത്. ഇയാളുടെ വിസ കാലാവധിയും അവസാനിച്ചിരുന്നു. മറ്റൊരാളുടെ റെക്കോർഡുകൾ ഇതുവരെ ലഭ്യമായിട്ടില്ല.
