ലഖ്‌നൗ: ഉത്തര്‍പ്രദേശിലെ മിര്‍സാപൂരില്‍ കക്കൂസ് മാലിന്യം കലര്‍ന്ന വെള്ളം കുടിച്ച് രണ്ട് പേര്‍ മരിച്ചു. 70 വയസുകാരിയും മൂന്ന് വയസുകാരിയുമാണ് മലിനജലം കലര്‍ന്ന വെള്ളം കുടിച്ചതിനെ തുടര്‍ന്ന് മരിച്ചത്. ദാദ്രയില്‍ നിലവില്‍ 5 പേര്‍ അതിസാരത്തിന് ചികിത്സയിലാണ്.
ആരോഗ്യവകുപ്പ് അധികൃതര്‍ സ്ഥലത്തെത്തി പരിശോധന നടത്തി. കക്കൂസ് മാലിന്യം കുടിവെള്ളവുമായി കലര്‍ന്നതാണെന്ന് ആരോഗ്യവകുപ്പ് സ്ഥിരീകരിച്ചു. പ്രശ്നം പരിഹരിക്കുമെന്നും ജനങ്ങള്‍ക്ക് ആവശ്യമായ മരുന്നുകള്‍ നല്‍കുമെന്നും മിര്‍സാപൂര്‍ ചീഫ് മെഡിക്കല്‍ ഓഫീസര്‍ പിഡി ഗുപ്‌ത പറഞ്ഞു.
