ചെന്നൈ: തമിഴ്‌നാട് മുന്‍ മുഖ്യമന്ത്രി ഒ.പനീര്‍ ശെല്‍വത്തിന്‍റെ ഫാം ഹൗസില്‍ മോഷണം. ടെലിവിഷന്‍ കവര്‍ന്നതായി പരാതി. ഫാം ഹൗസിന് കാവല്‍ നില്‍ക്കുന്ന പ്രദേശവാസിയെ സംശയിക്കുന്നതായി പൊലീസ് .
ശനിയാഴ്‌ചയാണ്(ഒക്‌ടോബര്‍ 15) സംഭവം. ഫാം ഹൗസില്‍ ആളില്ലാത്ത സമയത്ത് പിറകിലെ വാതില്‍ പൂട്ട് പൊളിച്ചാണ് മോഷ്‌ടാവ് അകത്ത് കയറിയത്. സംഭവത്തില്‍ തെങ്കര പൊലീസ് കേസെടുത്തു.
വിരലടയാള വിദഗ്‌ധര്‍ സ്ഥലത്തെത്തി പരിശോധന നടത്തി. പെരിയകുളം ഡിഎസ്‌പി ഗീത സ്ഥലം സന്ദര്‍ശിച്ചു. സംഭവത്തില്‍ അന്വേഷണം ഊര്‍ജിതമാക്കിയതായി പൊലീസ് അറിയിച്ചു.
