ഹൈദരാബാദ് : ഇടുപ്പെല്ലിലെ ശസ്ത്രക്രിയയ്ക്ക് ശേഷം സുഖം പ്രാപിക്കുന്ന തെലങ്കാന മുൻ മുഖ്യമന്ത്രിയും ഭാരത് രാഷ്ട്ര സമിതി (ബിആർഎസ്) അധ്യക്ഷനുമായ കെ ചന്ദ്രശേഖർ റാവുവിനെ പുതിയ തെലങ്കാന മുഖ്യമന്ത്രി രേവന്ത് റെഡ്ഡി ആശുപത്രിയിലെത്തി സന്ദർശിച്ചു (Telangana CM Revanth Reddy Visits KCR At Hyderabad Hospital). ഹൈദരാബാദിലെ യശോദ ആശുപത്രിയിലെത്തിയാണ് രേവന്ത് റെഡ്ഡി കെസിആറിനെ കണ്ടത്.
കെസിആറിന്‍റെ ചികിത്സയ്ക്കുവേണ്ട എല്ലാ സഹായവും നൽകാൻ ചീഫ് സെക്രട്ടറിക്കും ബന്ധപ്പെട്ട ഉദ്യോഗസ്ഥർക്കും നിർദേശം നൽകിയിതായി സന്ദർശനത്തിന് പിന്നാലെ രേവന്ത് റെഡ്ഡി അറിയിച്ചു. ജനങ്ങൾക്ക് നല്ല ഭരണം ഉറപ്പാക്കാൻ അദ്ദേഹത്തിന്‍റെ ഉപദേശം ആവശ്യമാണെന്നും രേവന്ത് റെഡ്ഡി പറഞ്ഞു. ആശുപത്രിയിൽ കെസിആറിനെ സന്ദർശിക്കുന്ന വീഡിയോ മുഖ്യമന്ത്രി തന്‍റെ എക്‌സ് പേജില്‍ പോസ്‌റ്റ് ചെയ്‌തിരുന്നു. ആശുപത്രിയിലെത്തി കെസിആറിന്‍റെ സുഖവിവരങ്ങൾ തിരക്കിയതായും പെട്ടെന്ന് സുഖം പ്രാപിക്കട്ടെ എന്ന് ആശംസിച്ചതായും രേവന്ത് റെഡ്ഡി വിഡിയോയ്‌ക്കൊപ്പം എക്‌സിൽ കുറിച്ചു.
-
మాజీ సీఎం, బీఆర్ఎస్ నేత
— Revanth Reddy (@revanth_anumula) December 10, 2023 " class="align-text-top noRightClick twitterSection" data="
కేసీఆర్ గారికి పరామర్శ
………………………………………………
శస్త్రచికిత్స అనంతరం విశ్రాంతి తీసుకుంటోన్న మాజీ సీఎం, బీఆర్ఎస్ ఎల్పీ నేత కల్వకుంట్ల చంద్రశేఖర్ రావు గారిని పరామర్శించడం జరిగింది. ఆయన త్వరగా కోలుకోవాలని ఆకాంక్షిస్తున్నాను. pic.twitter.com/KD22Xdtsrm
">మాజీ సీఎం, బీఆర్ఎస్ నేత
— Revanth Reddy (@revanth_anumula) December 10, 2023
కేసీఆర్ గారికి పరామర్శ
………………………………………………
శస్త్రచికిత్స అనంతరం విశ్రాంతి తీసుకుంటోన్న మాజీ సీఎం, బీఆర్ఎస్ ఎల్పీ నేత కల్వకుంట్ల చంద్రశేఖర్ రావు గారిని పరామర్శించడం జరిగింది. ఆయన త్వరగా కోలుకోవాలని ఆకాంక్షిస్తున్నాను. pic.twitter.com/KD22Xdtsrmమాజీ సీఎం, బీఆర్ఎస్ నేత
— Revanth Reddy (@revanth_anumula) December 10, 2023
కేసీఆర్ గారికి పరామర్శ
………………………………………………
శస్త్రచికిత్స అనంతరం విశ్రాంతి తీసుకుంటోన్న మాజీ సీఎం, బీఆర్ఎస్ ఎల్పీ నేత కల్వకుంట్ల చంద్రశేఖర్ రావు గారిని పరామర్శించడం జరిగింది. ఆయన త్వరగా కోలుకోవాలని ఆకాంక్షిస్తున్నాను. pic.twitter.com/KD22Xdtsrm
വീണ് പരിക്കേറ്റതിനെ തുടര്‍ന്നാണ് ചന്ദ്രശേഖര റാവുവിനെ ആശുപത്രിയില്‍ പ്രവേശിപ്പിച്ചത് (KCR Hospitalized). വീഴ്‌ചയിൽ ഇടുപ്പെല്ലിന് പൊട്ടലുണ്ട്. നിയമസഭ തെരഞ്ഞെടുപ്പില്‍ പാര്‍ട്ടിക്ക് ഭൂരിപക്ഷം നഷ്‌ടമായതോടെ കെസിആര്‍ തന്‍റെ ഔദ്യോഗിക വസതിയായ പ്രഗതി ഭവന്‍ ഒഴിഞ്ഞിരുന്നു. തുടര്‍ന്ന് നഗരത്തിന് പുറത്തുള്ള എരവല്ലിയിലെ ഫാം ഹൗസിലായിരുന്നു താമസം. അവിടെ വച്ചാണ് അദ്ദേഹത്തിന് അപകടമുണ്ടായത്.
വീഴ്‌ചയിൽ കെസിആറിന്‍റെ ഇടത് ഇടുപ്പിൽ ഒടിവ് പറ്റി (Intracapsular Neck of femur fracture). തുടർന്ന് അദ്ദേഹത്തിന്‍റെ ഇടുപ്പെല്ല് മാറ്റിവയ്ക്കാൻ ഡോക്‌ടർമാർ നിർദേശിക്കുകയായിരുന്നു. ശസ്ത്രക്രിയയ്ക്കുശേഷം ചന്ദ്രശേഖര റാവു സുഖം പ്രാപിച്ച് വരുന്നതായാണ് ഏറ്റവും പുതിയ മെഡിക്കൽ ബുള്ളറ്റിൻ. അദ്ദേഹത്തിന് വേദന കുറഞ്ഞിട്ടുണ്ട്. നിലവിൽ പൂർണ വിശ്രമത്തിലാണ്. കെസിആർ ഡോക്‌ടർമാരുടെ വിദഗ്‌ധ സംഘത്തിന്‍റെ നിരീക്ഷണത്തിലാണെന്നും മെഡിക്കൽ ബുള്ളറ്റിനിൽ പറയുന്നു.
Also Read: തെലങ്കാനയിൽ ചന്ദ്രശേഖര റാവു ബിആർഎസ് നിയമസഭാ കക്ഷി നേതാവ്; തെരഞ്ഞെടുത്തത് ഐക്യകണ്‌ഠേന
കെസിആർ തന്നെ നേതാവ്: കഴിഞ്ഞ ദിവസം ചേർന്ന ബിആർഎസ് എംഎൽഎമാരുടെ യോഗത്തിൽ ചന്ദ്രശേഖര റാവുവിനെ ബിആർഎസിന്‍റെ പുതിയ നിയമസഭ കക്ഷി നേതാവായി തെരഞ്ഞെടുത്തിരുന്നു (KCR Elected BRS Legislature Party Leader In Telangana). നിയമസഭ സമ്മേളനത്തിന് മുന്നോടിയായി തെലങ്കാന ഭവനിൽ ചേർന്ന യോഗത്തിൽ ഐക്യകണ്‌ഠേനയാണ് ചന്ദ്രശേഖര റാവുവിനെ (K Chandrasekhar Rao) ബിആർഎസ് നിയമസഭ കക്ഷി നേതാവായി തെരഞ്ഞെടുത്തതെന്ന് പാർട്ടി ഔദ്യോഗിക എക്‌സ് പേജിലൂടെ അറിയിച്ചു. മുൻ നിയമസഭ സ്‌പീക്കർ പോചരം ശ്രീനിവാസ് റെഡ്ഡിയാണ് (Pocharam Srinivas Reddy) കെസിആറിന്‍റെ പേര് നിർദേശിച്ചത്. മുൻ മന്ത്രിമാരായ ടി ശ്രീനിവാസ് യാദവ്, കഡിയം ശ്രീഹരി എന്നിവര്‍ നാമനിര്‍ദേശത്തെ പിന്തുണച്ചു.
