ഹൈദരാബാദ്‌: സംസ്ഥാനത്ത് ലോക്ക്ഡൗണ് ഏര്‍പ്പെടുത്തുന്ന കാര്യത്തില്‍ അന്തിമ തീരുമാനം ഇന്ന് ചേരുന്ന മന്ത്രിസഭയെടുക്കും. തെലങ്കാന മുഖ്യമന്ത്രി കെ. ചന്ദ്രശേഖർ റാവുവിന്‍റെ നേതൃത്വത്തില്‍ ഉച്ചക്ക് രണ്ട് മണിക്കാണ് യോഗം ചേരുന്നത്.
കൊവിഡ്‌ വ്യാപനം രൂക്ഷമാകുന്ന സാഹചര്യത്തിലാണ് ചര്‍ച്ച. എന്നാല്‍ സംസ്ഥാനത്ത് ലോക്ക്ഡൗണ് പ്രഖ്യാപിക്കില്ലെന്ന നിലപാടിലായിരുന്നു നേരത്തെ സംസ്ഥാന സര്‍ക്കാര്‍. ലോക്ക്ഡൗണ് ഏര്‍പ്പെടുത്തിയാല്‍ നെല്ല് സംഭരണത്തെ ബാധിക്കുമോ എന്ന കാര്യത്തെക്കുറിച്ചും മന്ത്രിസഭ ചര്‍ച്ച ചെയ്യും. തെലങ്കാനയില്‍ 65,757 പേരാണ് നിലവില്‍ ചികിത്സയിലുള്ളത്.
