ജയ്‌പൂര്‍: രാജസ്ഥാനിലെ വലതുപക്ഷ സംഘടനയായ ശ്രീ രാഷ്‌ട്രീയ രജ്‌പുത് കര്‍ണി സേന തലവന് സുഖ്‌ദേവ് സിങ് ഗോഗമേദിയ വെടിയേറ്റ് മരിച്ചതായി ജയ്‌പൂര്‍ പൊലീസ് അറിയിച്ചു. ശ്യാം നഗറിലെ സുഖ്‌ദേവ് സിങ്ങിന്‍റെ വീട്ടില്‍ വച്ചാണ് വെടിയേറ്റത് (Sukhdev Singh Gogamedia). സംഭവത്തിന് പിന്നാലെ സിങ്ങിനെ മെട്രോ മാസ്‌ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ലെന്ന് പൊലീസ് പറഞ്ഞു (Shri Rashtriya Rajput Karni Sena).
വീട്ടിലെത്തിയ നാലംഗ അജ്ഞാത സംഘമാണ് വെടിയുതിര്‍ത്തത്. സംഭവത്തില്‍ സുഖ്‌ദേവ് സിങ്ങിന്‍റെ സുരക്ഷ ജീവനക്കാരനും മറ്റൊരാള്‍ക്കും പരിക്കേറ്റിട്ടുണ്ടെന്നാണ് ലഭിക്കുന്ന വിവരം (Rashtriya Rajput Karni Sena). സുഖ്‌ദേവ് സിങ്ങിന് വെടിയേറ്റുവെന്ന വിവരം ലഭിച്ച ഉടന്‍ തന്നെ ശ്യാം നഗര്‍ പൊലീസ് സ്ഥലത്തെത്തിയെന്നും അദ്ദേഹത്തെ വേഗത്തില്‍ ആശുപത്രിയിലെത്തിച്ചെന്നും ഡിജിപി ഉമേഷ്‌ മിശ്ര പറഞ്ഞു (Sukhdev Singh Gogamedia was shot dead in Jaipur).
സംഭവത്തില്‍ കുറ്റവാളികളെ പിടികൂടാന്‍ പൊലീസ് പ്രത്യേക സംഘത്തെ രൂപീകരിച്ചിട്ടുണ്ടെന്നും ഡിജിപി പറഞ്ഞു (Rashtriya Rajput Karni Sena In Jaipur). സംഭവം ജനങ്ങള്‍ക്കിടയില്‍ ഏറെ ആശങ്ക പടര്‍ത്തിയിട്ടുണ്ട്. വിവരമറിഞ്ഞ സുഖ്‌ദേവ് സിങ്ങിന്‍റെ അനുയായികള്‍ അദ്ദേഹത്തിന്‍റെ വീട്ടിലെത്തി. അന്വേഷണം ഊര്‍ജിതമാക്കിയിട്ടുണ്ടെന്നും പ്രതികള്‍ എത്രയും വേഗം പൊലീസിന്‍റെ കൈകളില്‍പ്പെടുമെന്നും ഡിജിപി വ്യക്തമാക്കി (Shyam Nagar In Rajasthan).
also read: Woman Shot Dead : ബിഹാറില്‍ നടുറോഡില്‍ യുവതി വെടിയേറ്റ് മരിച്ചു ; സിസിടിവി ദൃശ്യം പുറത്ത്
