ബിഹാർ: ബിഹാറിൽ പരീക്ഷയ്ക്കിടെ വിദ്യാർഥികൾ പരസ്യമായി കോപ്പിയടിക്കുന്ന വീഡിയോ സമൂഹ മാധ്യമങ്ങളിൽ. ബിഹാറിലെ പരീക്ഷകൾ കോപ്പിയടിക്ക് കുപ്രസിദ്ധമാണെന്ന് പണ്ടേ ഉയർന്നുവരുന്ന ആക്ഷേപമാണ്. ബിഹാറിലെ പരീക്ഷ കേന്ദ്രങ്ങളിൽ നിന്നും ഇത്തരത്തിലുള്ള വീഡിയോകൾ ഇതിന് മുൻപും പുറത്ത് വന്നിട്ടുണ്ട്.
ഇപ്പോൾ പുറത്ത് വരുന്ന വീഡിയോയിൽ വിദ്യാർഥികൾ മേശപ്പുറത്ത് പുസ്തകങ്ങൾ തുറന്നു വെച്ച് പരീക്ഷ എഴുതുകയാണ്. പരീക്ഷ ഹാളില് നില്ക്കുന്ന ഇൻവിജിലേറ്റർ ഇത് കണ്ടിട്ടും പ്രതികരിക്കുന്നില്ല. മെയ് 21 മുതൽ 29 വരെ നടന്ന ബിഎ പാർട്ട് വൺ പരീക്ഷയ്ക്കിടെയാണ് സംഭവം. ബിഹാറിലെ വൈശാലിയിൽ ഭഗവാൻപൂരിലുള്ള എൽഎൻ കോളേജിൽ നിന്നുള്ള ദൃശ്യങ്ങളാണ് പ്രചരിക്കുന്നത്.