ഭോപ്പാൽ: കൊവിഡ് ചികിത്സയ്ക്ക് ഉപയോഗിക്കുന്ന റെംഡിസിവിർ മരുന്നുമായി ഗ്വാളിയർ വിമാനത്താവളത്തിലേക്ക് വന്ന വിമാനം തകർന്നു വീണു. ലാൻഡിങ് സമയത്താണ് വിമാനം തകർന്ന് വീണത്. അപകടത്തിൽ പൈലറ്റ് ക്യാപ്റ്റൻ സയീദ് മജിദ് അക്തർ, സഹ പൈലറ്റ് ജയ്ശങ്കർ ജയ്‌സ്വാൾ എന്നിവർക്ക് പരിക്കേറ്റു. ഗുജറാത്തിൽ നിന്ന് ഗ്വാളിയറിലേക്ക് മരുന്നുമായി വരികയാണ് അപകടം ഉണ്ടായത്.സാങ്കേതിക തകരാറാണ് അപകടകാരണമെന്നാണ് സംശയം.
ഗ്വാളിയറിൽ റെംഡിസിവിര്‍ മരുന്നുമായി വന്ന വിമാനം തകർന്നു വീണു
സംഭവവാർത്ത അറിഞ്ഞ ഗ്വാളിയർ കലക്ടർ കൗശലേന്ദ്ര വിക്രം സിങ്ങും പൊലീസ് ഉദ്യോഗസ്ഥരും ഉടൻ തന്നെ സംഭവ സ്ഥലത്തെത്തി. പരിക്കേറ്റ മൂന്നുപേരെയും ജയരോഗ ആശുപത്രിയിലെ ട്രോമ സെന്‍ററിലേക്ക് കൊണ്ടുപോയി. സംഭവം കലക്ടർ സ്ഥിരീകരിച്ചെങ്കിലും പരിക്കേറ്റവരുടെ അവസ്ഥ പുറത്തുവിട്ടിട്ടില്ല.
