ശ്രീനഗർ ഏറ്റുമുട്ടൽ: വെടിവയ്പ്പിന് ശേഷം തീവ്രവാദികൾ കടന്നുകളഞ്ഞു

ശനിയാഴ്‌ച പുലർച്ചെ സിആർപിഎഫ് ഉദ്യോഗസ്ഥരും പൊലീസും സംയുക്തമായി നടത്തിയ തെരച്ചിലിലാണ് തീവ്രവാദികളുമായി വെടിവയ്പ്പുണ്ടായത്.

ശ്രീനഗർ: ചനപോര മേഖലയിലെ മേത്തൻ പ്രദേശത്ത് സുരക്ഷ സേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ വെടിവയ്പ്പിന് ശേഷം തീവ്രവാദികൾ രക്ഷപെട്ടതായി അധികൃതർ അറിയിച്ചു.

ശനിയാഴ്‌ച പുലർച്ചെ സിആർപിഎഫ് ഉദ്യോഗസ്ഥരും പൊലീസും സംയുക്തമായി നടത്തിയ തെരച്ചിലിലാണ് തീവ്രവാദികളുമായി വെടിവയ്പ്പുണ്ടായത്. വെടിവയ്പ്പ് ആരംഭിച്ച് കുറച്ചു സമയങ്ങൾക്ക് ശേഷം തീവ്രവാദികൾ ഓടിരക്ഷപെടുകയായിരുന്നുവെന്ന് മുതിർന്ന പൊലീസ് ഉദ്യോഗസ്ഥൻ ഇടിവി ഭാരതിനോട് പറഞ്ഞു.

പ്രദേശത്ത് തീവ്രവാദികൾക്കായുള്ള തെരച്ചിൽ തുടരുകയാണെന്നും പൊലീസ് അറിയിച്ചു.