ലക്‌നൗ: ഉത്തർപ്രദേശിൽ 15 വർഷം മുൻപ് കുട്ടിയെ തട്ടിക്കൊണ്ടു പോയ സംഭവത്തിൽ ആറു പേർക്ക് ജീവപര്യന്തം തടവ്. ബല്ലിയ ജില്ലയിലെ അഡീഷണൽ ജില്ലാ ജഡ്‌ജി ചന്ദ്രഭാനു സിംഗാണ് പ്രതികള്‍ക്ക് ജീവപര്യന്തം തടവും ഓരോരുത്തർക്കും 10,000 രൂപ പിഴയും വിധിച്ചത്.
2005 മാർച്ച് ഏഴിന് ആറു വയസുള്ള ആൺകുട്ടി ബന്ധുവിനൊപ്പം കോച്ചിംഗ് ക്ലാസിന് പോകുമ്പോഴാണ് തട്ടിക്കൊണ്ടു പോയതെന്നും കുട്ടിയുടെ ബന്ധു നൽകിയ പരാതിയുടെ അടിസ്ഥാനത്തിലാണ് കേസ് രജിസ്‌റ്റർ ചെയ്‌തതെന്നും സർക്കാർ അഭിഭാഷകൻ വീരേന്ദ്ര കുമാർ സിംഗ് പറഞ്ഞു. തട്ടിക്കൊണ്ടു പോയ ആൺകുട്ടിയെ ഗോപാൽ നഗറിൽ നിന്ന് കണ്ടെത്തിയതായും അദ്ദേഹം അറിയിച്ചു.
