കോയമ്പത്തൂര്‍ : ഭക്ഷണം തൊണ്ടയില്‍ കുടുങ്ങിയ കോണ്‍സ്റ്റബിളിന് രക്ഷകനായി എസ്ഐ. മേട്ടുപ്പാളയം മുന്‍സിപ്പാലിറ്റി ക്യാന്‍റീനില്‍ നിന്ന് കഴിക്കവെ അബു താഹിറിന്‍റെ തൊണ്ടയിലാണ് ഭക്ഷണം കുടുങ്ങിയത്. ഇതോടെ ശ്വാസം മുട്ടിയ കോണ്‍സ്റ്റബിള്‍ രക്ഷിക്കാനായി കൈ കാണിച്ച് എസ് ഐ യുടെ അടുത്തേക്ക് ഓടിയെത്തുകയായിരുന്നു.
also read: ശ്രീനിവാസ് സാഗർ അണക്കെട്ടിന്‍റെ മതിൽ കയറാൻ ശ്രമിച്ച് യുവാവ് ; കാൽ വഴുതി വീണ് ഗുരുതര പരിക്ക്
സാഹചര്യം മനസിലാക്കിയ എസ് ഐ ദാമോദരന്‍ അബു താഹിറിന്‍റെ വയറില്‍ മുറുക്കി മുകളിലേക്കും താഴേക്കും കുലുക്കുകയായിരുന്നു. അതോടെ തൊണ്ടയില്‍ കുടുങ്ങിയ ഭക്ഷണ സാധനം പുറത്തുവന്നു. അബു താഹിറിന്‍റെ ജീവൻ രക്ഷിക്കാൻ സമയോചിതമായി ഇടപെട്ട എസ്ഐ ദാമോദരനെ മുനിസിപ്പാലിറ്റി അധികൃതർ അഭിനന്ദിച്ചു.
ക്യാന്‍റീനിലെ സിസിടിവിയിൽ പതിഞ്ഞ വീഡിയോ സോഷ്യല്‍ മീഡിയയില്‍ വൈറലാവുകയും ചെയ്തു.
