ശ്രീനഗര്‍: അനന്ത്‌നാഗ് ജില്ലയിലെ പഹൽഗാമിൽ താർസർ മാർസർ തടാകത്തിൽ വിനോദ സഞ്ചാരികളെ രക്ഷപ്പെടുത്തുന്നതിനിടെ മുങ്ങിമരിച്ച ടൂറിസ്റ്റ് ഗൈഡിന്‍റെ മൃതദേഹം കണ്ടെത്തി. ഗന്ദർബാലിലെ ഗഗൻഗർ സ്വദേശി ഷക്കീൽ അഹമ്മദിന്‍റെ മൃതദേഹമാണ് വ്യാഴാഴ്‌ച (23.06.2022) കണ്ടെത്തിയത്. ജൂൺ 21ന് കാലാവസ്ഥ മോശമായതിനെ തുടർന്ന് ട്രക്കിംഗിനിടെ 2 ടൂറിസ്റ്റ് ഗൈഡുകളും 11 വിനോദസഞ്ചാരികളും താർസർ മാർസർ തടാകത്തിൽ കുടുങ്ങുകയായിരുന്നു.
തടാകത്തിൽ തെരച്ചിൽ തുടരുന്നു
സംഭവത്തിൽ 11 പേരെ രക്ഷപ്പെടുത്തി. ഉത്തരാഖണ്ഡിൽ നിന്നുള്ള വിനോദസഞ്ചാരിയായ ഡോ. മഹേഷിനെ രക്ഷപ്പെടുത്താൻ ശ്രമിക്കുന്നതിനിടെയാണ് ഷക്കീൽ അഹമ്മദിനെയും കാണാതായത്. ഡോ. മഹേഷിനായി തിരച്ചിൽ തുടരുകയാണ്.
