വാറങ്കല്‍ : തെലങ്കാനയില്‍ ഐസിയുവില്‍ ചികിത്സയിലായിരുന്ന രോഗിയെ എലി കടിച്ചു. വാറങ്കല്‍ എം.ജി.എം ഹോസ്പിറ്റലില്‍ വ്യാഴാഴ്ചയാണ് സംഭവം. വാറങ്കല്‍ സ്വദേശിയായ ശ്രീനിവാസിനാണ് കടിയേറ്റത്. കാലുകളിലും കൈവിരലുകളിലും എലി കടിച്ചു.
ഇതോടെ വലിയ അളവില്‍ രക്തശ്രാവമുണ്ടായി. ശ്വാസകോശ - വൃക്ക സംബന്ധമായ അസുഖങ്ങളെ തുടർന്ന് നാല് ദിവസം മുമ്പാണ് ശ്രീനിവാസിനെ ആശുപത്രിയില്‍ പ്രവേശിപ്പിച്ചത്. ഇതോടെ പ്രതിഷേധവുമായി ബന്ധുക്കള്‍ രംഗത്തെത്തി.
Also Read: തിരുവനന്തപുരത്ത് കൊലക്കേസ് പ്രതിയെ കാറിടിച്ച് കൊന്നു ; മൂന്ന് പേർ പിടിയിൽ
ആശുപത്രി അധികൃതര്‍ക്കെതിരെ നടപടി എടുക്കണമെന്ന് ബന്ധുക്കള്‍ മാനേജ്മെന്‍റിനോട് ആവശ്യപ്പെട്ടു. വിഷയം ശ്രദ്ധയില്‍പ്പെട്ടിട്ടുണ്ടെന്നും നടപടി എടുക്കുമെന്നുമായിരുന്നു ആശുപത്രി സുപ്രണ്ട് ഡോ ശ്രീനിവാസ് റാവുവിന്‍റെ പ്രതികരണം. രോഗിയുടെ നില ഗുരുതരമായി തുടരുകയാണെന്നും അദ്ദേഹം അറിയിച്ചു.
