ന്യൂഡല്‍ഹി : കോണ്‍ഗ്രസ് നേതാവ് രാഹുല്‍ ഗാന്ധി ബുധനാഴ്‌ച ആദ്യ ഡോസ് കൊവിഡ് പ്രതിരോധ മരുന്ന് സ്വീകരിച്ചതായി റിപ്പോർട്ട്. 29,30 തിയ്യതികളില്‍ രാഹുൽ ഗാന്ധി പാർലമെന്‍റിലെത്തിയിരുന്നില്ല.
ഏപ്രില്‍ 20ന് രാഹുല്‍ ഗാന്ധിക്ക് കൊവിഡ് സ്ഥിരീകരിച്ചിരുന്നു. ഇതാണ് വാക്‌സിൻ എടുക്കാൻ വൈകാൻ കാരണമായതെന്നുമാണ് വിവരം. ജൂണ്‍ 17ന് കോണ്‍ഗ്രസ് അധ്യക്ഷ കൊവിഡ് വാക്‌സിൻ സ്വീകരിച്ചെന്നും റിപ്പോർട്ടുകളുണ്ടായിരുന്നു.
also read: COVID-19 : രാജ്യത്ത് 41,649 പേർക്ക് കൂടി രോഗബാധ,മരണം 593
രാഹുല്‍ ഗാന്ധിയും കുടുംബവും കൊവിഡ് വാക്‌സിൻ സ്വീകരിക്കാത്തതിനെതിരെ ബിജെപി വിമർശനമുയർത്തിയിരുന്നു. ഗാന്ധി കുടുംബം കൊവിഡ് വാക്‌സിനെതിരെ പ്രചാരണം നടത്തുകയാണെന്നായിരുന്നു ബിജെപിയുടെ ആരോപണം.
