ന്യൂഡൽഹി : ഇന്ന് നടക്കുന്ന ക്വാഡ് നേതാക്കളുടെ വെർച്വൽ മീറ്റിങ്ങിൽ പ്രധാനമന്ത്രി നരേന്ദ്ര മോദി പങ്കെടുക്കും. യുഎസ് പ്രസിഡന്‍റ് ജോ ബൈഡൻ, ജപ്പാൻ പ്രധാനമന്ത്രി ഫ്യൂമിയോ കിഷിദ, ഓസ്‌ട്രേലിയൻ പ്രധാനമന്ത്രി സ്കോട്ട് മോറിസൺ എന്നിവരും യോഗത്തിൽ പങ്കെടുക്കും.ഇന്തോ-പസഫിക്കിലെ പ്രധാന സംഭവവികാസങ്ങളെക്കുറിച്ചുള്ള കാഴ്‌ചപ്പാടുകളും വിലയിരുത്തലുകളും നേതാക്കൾ പങ്കുവയ്ക്കുമെന്ന് വിദേശകാര്യ മന്ത്രാലയം അറിയിച്ചു.
ക്വാഡ് അജണ്ടയുടെ ഭാഗമായി പ്രഖ്യാപിച്ച സംരംഭങ്ങൾ നടപ്പിലാക്കുന്നതിനുള്ള ശ്രമങ്ങള്‍ നേതാക്കൾ അവലോകനം ചെയ്യും. കഴിഞ്ഞ വർഷം സെപ്‌റ്റംബറിൽ വാഷിങ്‌ടണിൽ നടന്ന യോഗത്തിലാണ് അവസാനമായി ക്വാഡ് നേതാക്കൾ യോഗം ചേർന്നത്.
