ന്യൂഡല്‍ഹി: ചേരികള്‍ അന്യായമായി കുടിയൊഴിപ്പിക്കുന്നുവെന്ന് ആരോപിച്ച് ദക്ഷിണ ഡൽഹി മുനിസിപ്പൽ കോർപ്പറേഷന്‍റെ കീഴിലുള്ള മദൻപൂർ ഖാദറില്‍ വ്യാഴാഴ്‌ച പ്രതിഷേധം സംഘടിപ്പിച്ചു. പ്രതിഷേധത്തിനിടെ സുരക്ഷ ഉദ്യോഗസ്ഥർക്ക് നേരെ ജനങ്ങള്‍ കല്ലെറിയുകയും ഏതാനും പേർക്ക് പരിക്കേൽക്കുകയും ചെയ്തു. ഇതിന്‍റെ ഭാഗമായി എഎപി എംഎൽഎ അമാനത്തുല്ല ഖാനെയടക്കമുള്ളവരെ പൊലീസ് കസ്റ്റഡിയിലെടുത്തു.
'ഡല്‍ഹി പൊലീസ് എന്നെ അറസ്റ്റ് ചെയ്തു, എന്നെ തടവിലാക്കാന്‍ അവര്‍ക്ക് കഴിയും പക്ഷെ എന്‍റെ ആത്മാവിനെ തടവിലാക്കാന്‍ അവര്‍ക്കാകില്ല' യെന്ന് അമാനത്തുല്ല ട്വീറ്റ് ചെയ്തു. അതേ സമയം പ്രതിഷേധക്കാര്‍ക്കൊപ്പം എഎപി എംഎൽഎ അമാനത്തുല്ലയേയും കസ്റ്റഡിയിലെടുത്തിട്ടുണ്ടെന്നും അനിഷ്‌ട സംഭവങ്ങളൊന്നുമുണ്ടാകാതിരിക്കാന്‍ മതിയായ സുരക്ഷ സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്നും പൊലീസ് അറിയിച്ചു.
