പട്ന: ബിഹാറിലെ റോഹ്താസ് ജില്ലയിൽ ഒരു കൂട്ടം പച്ചക്കറി വ്യാപാരികൾ പൊലീസ് ഉദ്യോഗസ്ഥരെ ആക്രമിച്ചു. സംഭവത്തിൽ രണ്ട് പൊലീസുകാർക്ക് പരിക്കേറ്റു. ജില്ലയിലെ കാർഗാർ പ്രദേശത്ത് കച്ചവടം നടത്തിവന്ന പച്ചക്കറി വ്യാപാരികളെ അടുത്തുള്ള ഒരു സ്റ്റേഡിയത്തിലേക്ക് മാറ്റാൻ ശ്രമിക്കുന്നതിനിടെയാണ് പൊലീസുകാരെ പച്ചക്കറി വ്യാപാരികൾ ആക്രമിച്ചത്. പ്രകോപിതരായ കച്ചവടക്കാരെയും ജനങ്ങളേയും ശാന്തരാക്കാൻ പൊലീസ് ആകാശത്തേക്ക് വെടിയുതിർത്തു. പരിക്ക് പറ്റിയ പൊലീസുകാരെ ആശുപത്രിയിൽ പ്രവേശിപ്പിച്ചിട്ടുണ്ട്. സംഭവത്തിൽ ഒരാളെ പൊലീസ് അറസ്റ്റ് ചെയ്തു.
Also read: കൊവിഡ് വ്യാപനം: മെയ് 15 വരെ ബിഹാറില്‍ ലോക്ക്ഡൗണ്‍
