ന്യൂഡല്‍ഹി: അന്താരാഷ്ട്ര വനിതാ ദിനത്തോടനുബന്ധിച്ച്, നോർത്തേൺ റെയിൽവെ ഏഴ് എഞ്ചിനുകള്‍ക്ക് വനിതാ യോദ്ധാക്കളുടെ പേര് നല്‍കി. ഉദയ് ദേവി, റാണി അഹല്യാബായ്, റാണി അവന്തിബായ്, റാണി ലക്ഷ്മിബായ്, റാണി വേലു നാച്ചിയാർ, റാണി ചെന്നമ്മ, ഝാൽകാരി ഭായ് എന്നിവരുടെ പേരുകളാണ് എഞ്ചിനുകള്‍ക്ക് നല്‍കിയിരിക്കുന്നത്.
ഡബ്ല്യുഡിപി 4 ബി, ഡബ്ല്യുഡിപി 4 ഡി ക്ലാസ് എഞ്ചിനുകള്‍ക്കാണ് വനിതാ യോദ്ധാക്കളുടെ പേരുകള്‍ നല്‍കിയതെന്ന് നോർത്തേൺ റെയിൽവെ ചീഫ് പബ്ലിക് റിലേഷൻസ് ഓഫീസർ ദീപക് കുമാർ പറഞ്ഞു. ആദരസൂചകമായി എഞ്ചിനുകള്‍ക്ക് ധീര യോദ്ധാക്കളുടെ പേര് നല്‍കാന്‍ കഴിഞ്ഞതില്‍ നോർത്തേൺ റെയിൽവെ അഭിമാനിക്കുന്നതായും അദ്ദേഹം വ്യക്തമാക്കി.
