മുംബൈ: വാക്സിൻ കയറ്റുമതി ന്യായീകരിച്ച് സെറം ഇൻസ്റ്റിറ്റ്യൂട്ട് സിഇഒ അദാർ സി പൂനെവാല. രാജ്യത്ത് നിലനിൽക്കുന്ന വാക്സിൻ ക്ഷാമവും മറ്റു രാജ്യങ്ങളിലേക്ക് വാക്സിൻ കയറ്റുമതി നടത്തിയതിന് കേന്ദ്ര സർക്കാരിനെതിരയുള്ള കുറ്റപ്പെടുത്തലുകളും നിലനിൽക്കെ വാക്സിൻ നിർമാതാക്കളായ സെറം ഇൻസ്റ്റിറ്റ്യൂട്ട് എപ്പോഴും രാജ്യത്തിനാണ് മുൻഗണന കൊടുക്കുന്നതെന്ന് സിഇഒ അദാർ പൂനെവാല പറഞ്ഞു.
ഇന്ത്യൻ ജനതയുടെ പണം കൊണ്ട് ഞങ്ങൾ ഒരിക്കലും വാക്സിനുകൾ കയറ്റുമതി ചെയ്തിട്ടില്ലെന്നും രാജ്യത്ത് വാക്സിനേഷൻ ഡ്രൈവിനെ പിന്തുണയ്ക്കാൻ ഞങ്ങളാൽ കഴിയുന്നതെല്ലാം ചെയ്യാൻ പ്രതിജ്ഞാബദ്ധരാണെന്നും പൂനെവാല പ്രസ്താവനയിൽ പറഞ്ഞു.
Also read: കോവിഷീൽഡിന്‍റെ ഉൽ‌പാദനം വർദ്ധിപ്പിക്കാൻ പരമാവധി ശ്രമിക്കുന്നു; അദാർ പൂനവാലെ
മറ്റ് രാജ്യങ്ങൾ പ്രതിസന്ധിയിലായിരിക്കെ ഇന്ത്യയിൽ കൊവിഡ് കേസുകൾ കുറഞ്ഞ സമയത്താണ് കമ്പനി ഈ വർഷം ആദ്യം കൊവിഷീൽഡ് വലിയ അളവിൽ കയറ്റുമതി ചെയ്തത്. 2021 ജനുവരിയിൽ തങ്ങളുടെ പക്കൽ ധാരാളം വാക്സിൻ ഡോസുകൾ ഉണ്ടായിരുന്നു. അതുകൊണ്ടാണ് ഇന്ത്യയിൽ വിജയകരമായി വാക്സിൻ ഡ്രൈവ് ആരംഭിച്ചത്. ആ സമയത്തും രാജ്യത്തെ കൊവിഡ് കേസുകൾ വളരെ കുറവായിരുന്നു എന്നും അദാർ പൂനെവാല പറഞ്ഞു.
Also read: മഹാരാഷ്ട്രക്ക്‌ 1.5 കോടി കൊവിഷീൽഡ് വാക്സിൻ കൂടി ലഭിക്കുമെന്ന്‌ രാജേഷ്‌ ടോപെ
