ന്യൂഡൽഹി: ദേശീയ മെഡിക്കല്‍ പ്രവേശന പരീക്ഷാഫലം (നീറ്റ്-യു.ജി) പ്രസിദ്ധീകരിച്ചു. ഒന്നാം റാങ്ക് മൂന്നുപേരാണ് ഇത്തവണ പങ്കിട്ടത്. മൃണാള്‍ കുട്ടേരി (തെലങ്കാന), തന്മയ് ഗുപ്‌ത (ഡല്‍ഹി), കാര്‍ത്തിക ജി നായര്‍ ( മഹാരാഷ്ട്ര) എന്നിവര്‍ക്കാണ് ഒന്നാം റാങ്ക്. മുംബൈ മലയാളിയാണ് കാര്‍ത്തിക ജി നായര്‍.
ALSO READ: മഹാരാഷ്ട്ര മുൻ ആഭ്യന്തരമന്ത്രി അനിൽ ദേശ്‌മുഖ് അറസ്റ്റില്‍
മൂവരും 720 മാർക്കാണ് നേടിയത്. കേരളത്തില്‍ നിന്നുള്ള ഗൗരിശങ്കര്‍ എസ് 17-ാം റാങ്ക് നേടി. വൈഷണ ജയവര്‍ധനന്‍ 23-ാം റാങ്കും നിരുപമ പി 60-ാം റാങ്കും നേടി. സെപ്‌റ്റംബര്‍ 12 ന് നടത്തിയ നീറ്റ് പരീക്ഷയില്‍ 16 ലക്ഷം വിദ്യാര്‍ഥികളാണ് പരീക്ഷയെഴുതിയത്. ആണ്‍കുട്ടികളേക്കാള്‍ 1.19 ലക്ഷം പെണ്‍കുട്ടികളാണ് നീറ്റില്‍ യോഗ്യത നേടിയത്.
