ലേഡി സൂപ്പര്‍സ്‌റ്റാര്‍ നയന്‍താരയുടെ 'അന്നപൂരണി' തിയേറ്ററുകളില്‍ മികച്ച പ്രതികരണങ്ങളോടെ മുന്നേറുന്നു (Nayanthara movie Annapoorani release). ഡിസംബര്‍ 1 നാണ് ചിത്രം തിയേറ്ററുകളില്‍ എത്തിയത്. പ്രദര്‍ശന ദിനം തന്നെ ചിത്രം കാണാന്‍ നയന്‍താരയും (Nayanthara) സഹതാരം ജയ്‌യും ഒന്നിച്ച് തിയേറ്ററുകളില്‍ എത്തിയതിന്‍റെ ദൃശ്യങ്ങളും സോഷ്യല്‍ മീഡിയയില്‍ വൈറലാവുകയാണ്.
'അന്നപൂരണി' (Annapoorani audience response) മികച്ച സിനിമയാണെന്നാണ് സോഷ്യല്‍ മീഡിയയില്‍ പ്രേക്ഷകര്‍ പങ്കുവച്ചിരിക്കുന്നത്. ചിത്രത്തില്‍ നയന്‍താരയുടേത് മികച്ചൊരു കഥാപാത്രമാണെന്നും പ്രേക്ഷകര്‍ പറയുന്നു. 'അന്നപൂരണി'യില്‍ ഒരു ഷെഫിന്‍റെ വേഷമാണ് നയന്‍താരയ്‌ക്ക്.
Also Read: വിഘ്‌നേശിന്‍റെ പിറന്നാള്‍ സമ്മാനം പങ്കുവച്ച് നയന്‍താര ; വില കേട്ടാല്‍ ഞെട്ടും
സിനിമയില്‍ ക്ലാസിക് പെര്‍ഫോര്‍മെന്‍സാണ് നയന്‍താര കാഴ്‌ചവച്ചിരിക്കുന്നത് എന്നും സോഷ്യല്‍ മീഡിയയില്‍ ആരാധകര്‍ കുറിച്ചു. നിലേഷ് കൃഷ്‌ണയാണ് സിനിമയുടെ രചനയും സംവിധാനം. അന്നപൂരണിക്ക് അഞ്ചില്‍ 3.25 ആണ് പലരും റേറ്റിങ് നല്‍കിയിരിക്കുന്നത്.
'ഭക്ഷണത്തെ കുറിച്ച് പൂർണ്ണമായും സംസാരിക്കുന്ന ഒരു സിനിമ നമുക്ക് ഇതുവരെ ലഭിച്ചിട്ടില്ല. എന്നാല്‍ ഇതില്‍ നന്നായി ആസൂത്രണം ചെയ്‌ത് ചിത്രീകരിച്ചു. സത്യ ഡിപിയുടെ ഛായാഗ്രഹണവും മനോഹരമായിരുന്നു.' -ഇപ്രകാരമാണ് സിനിമയെ കുറിച്ചുള്ള ഒരു ആരാധകന്‍റെ റിവ്യൂ.
'നിലേഷ് കൃഷ്‌ണയുടെ വളരെ മനോഹരമായ ചിത്രമാണ് അന്നപൂരണി. നയൻതാര മാം ക്ലാസി ആയിരുന്നു. സത്യ ഡിപിയിൽ നിന്നുള്ള മനോഹരമായ ദൃശ്യങ്ങൾ. മികച്ച രീതിയിൽ പാകം ചെയ്‌ത സിനിമ തിയേറ്ററുകളിൽ കാണുക...' -ഇപ്രകാരമാണ് മറ്റൊരു കമന്‍റ്.
ഒരു ഫാമിലി കോമഡി ഡ്രാമയാണ് ചിത്രം. കുട്ടിക്കാലം മുതൽ ഷെഫ് ആകാൻ ആഗ്രഹിച്ച ബ്രാഹ്മണ കുടുംബത്തില്‍ ജനിച്ച ഒരു പെണ്‍കുട്ടിയായാണ് സിനിമയില്‍ നയൻതാര പ്രത്യക്ഷപ്പെട്ടത്. ഷെഫ് ആകുന്നതിനിടെയും അതിന് ശേഷവും ജീവിതത്തില്‍ ഉണ്ടായ പ്രതിസന്ധികളും അത് തരണം ചെയ്‌തുള്ള തിരിച്ചുവരവുമാണ് ചിത്രപശ്ചാത്തലം.
Also Read: 'എന്‍റെ ജീവിതത്തിന്‍റെ സൗന്ദര്യവും അർഥവും'; നയൻതാരയ്‌ക്ക് പിറന്നാൾ ആശംസകളുമായി വിഘ്നേഷ് ശിവൻ
നയന്‍താരയെ കൂടാതെ ജയ്‌യും പ്രധാന വേഷത്തില്‍ എത്തി. രാജാ റാണിക്ക് ശേഷം ജയ്‌യും നയൻതാരയും വീണ്ടും ഒന്നിച്ചെത്തിയ ചിത്രം കൂടിയാണിത്. ഇവരെ കൂടാതെ സത്യരാജ്, അച്യുത് കുമാർ, കാർത്തിക് കുമാർ, റെഡിൻ കിംഗ്സ്ലി, കെ എസ് രവികുമാർ, കുമാരി സച്ചു, സുരേഷ് ചക്രവര്‍ത്തി, രേണുക എന്നിവരും സുപ്രധാന വേഷങ്ങളില്‍ എത്തി.
തമൻ എസ് ആണ് സംഗീതം. പ്രവീൺ ആന്‍റണി എഡിറ്റിങ് നിര്‍വഹിച്ചു. കലാസംവിധാനം - ജി ദുരൈരാജ്, ഫുഡ് സ്‌റ്റൈലിസ്‌റ്റ് - ഷെഫ് ആർ.കെ, കോസ്റ്റ്യൂം ഡിസൈനർമാർ - അനു വർദ്ധൻ, ജീവ കാരുണ്യ, ദിനേഷ് മനോഹരൻ, ശബ്‌ദം - അലഗിയ കുന്തൻ, സുരൻ, പബ്ലിസിറ്റി ഡിസൈനുകൾ - വെങ്കി, എക്‌സിക്യൂട്ടീവ് പ്രൊഡ്യൂസർ - ലിൻഡ അലക്‌സാണ്ടർ, ക്രിയേറ്റീവ് പ്രൊഡ്യൂസർ - സഞ്ജയ് രാഘവൻ എന്നിവരാണ് മറ്റ് അണിയറ പ്രവർത്തകർ.
