തെലുഗു സൂപ്പര്‍താരം നാനിയും Nani മൃണാള്‍ ഠാക്കൂറും Mrunal Thakur ഒന്നിക്കുന്ന ചിത്രത്തിന്‍റെ ടൈറ്റില്‍ പുറത്തുവിട്ട് നിര്‍മാതാക്കള്‍. 'ഹായ് നാണ്ണാ' Hi Nanna എന്നാണ് സിനിമയ്‌ക്ക് പേരിട്ടിരിക്കുന്നത്. സിനിമയുടെ ടീസറും പുറത്തുവിട്ടിട്ടുണ്ട്.
പ്രൊഡക്ഷന്‍ ബാനറായ വൈര എന്‍റര്‍ടെയിന്‍മെന്‍റ്‌സാണ് Vyra Entertainments തങ്ങളുടെ സോഷ്യല്‍ മീഡിയ പേജിലൂടെ ടീസറും ടൈറ്റില്‍ പോസ്‌റ്ററും പുറത്തുവിട്ടത്. നാനി 30 Nani 30 എന്നാണ് സിനിമയ്‌ക്ക് താത്‌കാലികമായി പേരിട്ടിരുന്നത്.
'നിങ്ങൾക്കെല്ലാവർക്കുമായി ഹായ് നാണ്ണായുടെ മാസ്‌മരിക ലോകം അനാവരണം ചെയ്യുന്നു' - ടൈറ്റില്‍ പോസ്‌റ്ററും ടീസറും ഇന്‍സ്‌റ്റഗ്രാമില്‍ പങ്കുവച്ച് പ്രൊഡക്ഷന്‍ ബാനര്‍ കുറിച്ചു. നാനിയും മൃണാളും തമ്മിലുള്ള കെമിസ്‌ട്രിയുടെ ആദ്യ ദൃശ്യമാണ് ടീസറില്‍ കാണാനാവുക. സിനിമയില്‍ നാനിയുടെ മകളായി കിയാര ഖന്നയും വേഷമിടുന്നുണ്ട്. നാനിയും മൃണാളും കിയാര ഖന്നയുമാണ് 1.15 മിനിട്ട് ദൈര്‍ഘ്യമുള്ള ടീസറില്‍. മൃണാള്‍ ഠാക്കൂര്‍ നാനിയെ ഹായ് ഡാഡി എന്ന് വിളിക്കുന്ന രംഗമാണ് ടീസറില്‍.
നാനിയും മൃണാള്‍ ഠാക്കൂറും തങ്ങളുടെ സോഷ്യൽ മീഡിയ പേജുകളിൽ ഹായ് നാണ്ണായുടെ ടൈറ്റിലൂം ടീസറും പങ്കുവച്ചിട്ടുണ്ട്. 'ഹായ് #നാനി 30 #ഹായ് നാണ്ണാ. അവൾ എന്നെ അങ്ങനെയാണ് വിളിക്കുന്നത്.. കൊച്ചു കുട്ടിയല്ല അങ്ങനെ വിളിക്കുന്നത്.
അതേസമയം മൃണാൾ ഠാക്കൂറും തന്‍റെ ഇന്‍സ്‌റ്റഗ്രാം പേജില്‍ പോസ്‌റ്റ് പങ്കുവച്ചു. 'കാത്തിരിപ്പിന് വിരാമം! ഇതാ ഞങ്ങളുടെ #ഹായ് നാണ്ണായുടെ മനോഹരമായ ചെറിയ ലോകത്തിലേയ്‌ക്കുള്ള ഒരു എത്തി നോട്ടം. ഈ ഹൃദയസ്‌പര്‍ശിയായ കഥ ബിഗ് സ്‌ക്രീനിൽ എത്തുന്നത് വരെ കാത്തിരിക്കാനാവില്ല.
നാനിയും മൃണാള്‍ ഠാക്കൂറും ഇതാദ്യമായി ഒന്നിക്കുന്ന ചിത്രം കൂടിയാണ് 'ഹായ് നാണ്ണാ'. ശൗര്യവ് Shouryuv സംവിധാനം ചെയ്‌ത ചിത്രം ഒരു മുഴുനീള ഫാമിലി എന്‍റര്‍ടെയിനര്‍ ആയാണ് തിയേറ്ററുകളില്‍ എത്തുന്നത്. ബിഗ് ബജറ്റില്‍ ഒരുങ്ങുന്ന ചിത്രത്തിന്‍റെ നിര്‍മാണം മോഹൻ ചെറുകുരിയും Mohan Cherukuri ഡോ വിജേന്ദർ റെഡ്ഡി ടീഗലയും Dr Vijender Reddy Teegala ചേർന്നാണ് നിര്‍വഹിച്ചിരിക്കുന്നത്.
ഹിഷാം അബ്‌ദുള്‍ വഹാബ് ആണ് സിനിമയ്‌ക്ക് വേണ്ടി സംഗീതം ഒരുക്കുക. പാൻ ഇന്ത്യന്‍ റിലീസിനൊരുങ്ങുന്ന ചിത്രം തമിഴ് ഉൾപ്പടെ അഞ്ച് ഭാഷകളിലാണ് തിയേറ്ററുകളില്‍ എത്തുന്നത്. 2023 ഡിസംബർ 21ന് ചിത്രം തിയേറ്ററുകളിൽ എത്തിക്കാനാണ് നിര്‍മാതാക്കള്‍ പദ്ധതി ഇടുന്നത്.
നാനിയുടെ കരിയറിലെ 30-ാമത്തെ ചിത്രം കൂടിയാണ് 'ഹായ് നാണ്ണാ'. ഇതുവരെ കാണാത്ത വ്യത്യസ്‌ത ഗെറ്റപ്പിലാകും സിനിമയില്‍ നാനി പ്രത്യക്ഷപ്പെടുന്നത്. നേരത്തെ സിനിമയുടെ അനൗണ്സ്മെന്റ് തീയതി പുറത്തുവിട്ടത് വാര്‍ത്തകളില്‍ നിറഞ്ഞുനിന്നിരുന്നു.
Also Read: 'പ്രേക്ഷകരുടെ സ്‌പന്ദനം എസ് എസ് രാജമൗലിയെക്കാൾ നന്നായി മറ്റാർക്കും മനസിലാകില്ല': നാനി
നാനിയും മൃണാൾ ഠാക്കൂറും വ്യത്യസ്‌തമായ രീതിയിലാണ് അനൗണ്സ്മെന്റ് തീയതി പുറത്തുവിട്ടത്. പാരാഗ്ലൈഡിംഗ് ചെയ്യുന്നതിനിടയിലാണ് നാനി അനൗണ്സ്മെന്റ് തീയതി പങ്കുവച്ചത്. അതേസമയം ഒരു കപ്പൽ യാത്രയ്ക്കിടെയാണ് മൃണാൾ ഠാക്കൂര്‍ ചിത്രത്തിന്‍റെ അനൗണ്സ്മെന്റ് തീയതി പങ്കുവച്ചത്. 'ഒഴുകുന്ന കടലിനെ പോലെ... സ്നേഹം ഞങ്ങളിലേക്ക് എത്തുന്നു' എന്ന ക്യാപ്‌ഷനോടുകൂടിയായിരുന്നു മൃണാൾ വീഡിയോ പങ്കിട്ടത്.
