ഐസ്വാള്‍: സംസ്ഥാനത്ത് 430 പേര്‍ക്ക് കൂടി കൊവിഡ് സ്ഥിരീകരിച്ചതോടെ ആകെ കൊവിഡ് ബാധിച്ചവരുടെ എണ്ണം 18,409 ആയി. ഇതില്‍ 103 തടവുകാര്‍, 73 കുട്ടികള്‍, 6 സുരക്ഷാ ഉദ്യോഗസ്ഥര്‍, 2 ആരോഗ്യപ്രവര്‍ത്തകരും ഉള്‍പ്പെടും.
421 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. ഐസ്വാള്‍ ജില്ലയിലാണ് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്. 3974 സാമ്പിളുകളാണ് പരിശോധിച്ചത്. 10.82 ആണ് ടെസ്റ്റ് പോസിറ്റിവിറ്റി നിരക്ക്. ഏറ്റവും ഉയര്‍ന്ന പ്രതിദിന നിരക്ക് ആണിത്.
ALSO READ: തമിഴ്‌നാട്ടില്‍ കൊവിഡ് രോഗികള്‍ കുറയുന്നു
4,424 പേര്‍ നിലവില്‍ സംസ്ഥാനത്ത് ചികിത്സയിലുണ്ട്. കഴിഞ്ഞ 24 മണിക്കൂറിനിടെ 13,900 രോഗമുക്തി നേടി. 85 മരണം കൂടി കൊവിഡ് മൂലമെന്ന് സ്ഥിരീകരിച്ചു. രോഗമുക്തി നിരക്ക് 75.50 ശതമാനവും മരണനിരക്ക് 0.46 ശതമാനവുമാണ്. സംസ്ഥാനത്ത് ഇതുവരെ 4.14 ലക്ഷം പേര്‍ക്ക് വാക്സിൻ നല്‍കിയതായും ആരോഗ്യവകുപ്പ് അറിയിച്ചു.
