ഗാന്ധി നഗർ: ഗുജറാത്തിലെ വരേലിയിലെ മാസ്‌ക് ഫാക്‌ടറിയിലുണ്ടായ തീപിടിത്തത്തിൽ രണ്ട് പേർ മരിച്ചു. 125 പേരെ രക്ഷപ്പെടുത്തി. രക്ഷപ്പെടാനായി പെപ്പിൽ പിടിച്ചിറങ്ങിയ തൊഴിലാളികളാണ് താഴത്തെ നിലയിലേക്ക് വീണ് മരിച്ചത്.
പൊള്ളലേറ്റ 15 പേരെ ആശുപത്രിയിൽ പ്രവേശിപ്പിച്ചു. 200ഓളം തൊഴിലാളികളുള്ള ഫാക്‌ടറിയിലാണ് തീപിടിത്തമുണ്ടായത്. ഉടനെത്തന്നെ അഗ്നിശമന സേനയും ആബുലൻസുകളും സ്ഥലത്തെത്തി.
ഗുജറാത്തിൽ മാസ്‌ക് ഫാക്‌ടറിയിൽ വൻ തീപിടിത്തം; രണ്ട് മരണം, 125 പേരെ രക്ഷപ്പെടുത്തി
സൂറത്ത് മേയർ അടക്കമുള്ള ഉദ്യോഗസ്ഥർ സ്ഥലത്തെത്തി. നിലവിൽ സ്ഥിതി നിയന്ത്രണ വിധേയമാണെന്ന് മേയർ ഹെമാലി ബോഗാവാല അറിയിച്ചു. നാലാം നിലയിൽ നിന്നും ക്രെയിൻ ഉപയോഗിച്ചാണ് തൊഴിലാളികളെ രക്ഷപ്പെടുത്തിയത്.
ALSO READ: ലഖിംപൂര്‍ ഖേരി: സംയുക്ത കിസാന്‍ മോര്‍ച്ചയുടെ രാജ്യവ്യാപക ട്രെയിന്‍ തടയല്‍ ഇന്ന്
