മധുര : പൊങ്കല്‍ ആഘോഷങ്ങള്‍ സംസ്ഥാനത്ത് ആരംഭിച്ചതോടെ ചൂടുപിടിച്ച് മധുരയിലെ അവണിയാപുരം ജല്ലിക്കെട്ട് മൈതാനം. 1000 കാളകളും അവയെ മെരുക്കാന്‍ 600 പേരും, തമിഴ്‌നാടിന്‍റെ മഹോത്സവത്തിന് ഇന്ന് (ജനുവരി 15) തുടക്കമായി (Madurai Avaniyapuram Jallikattu 2024). തിരുപ്പറങ്കുൺറം റോഡിലെ മന്തയമ്മന്‍ ക്ഷേത്രത്തിന് മുന്നില്‍ സ്ഥാപിച്ചിട്ടുള്ള വാടിവാസലാണ് ജല്ലിക്കെട്ട് മത്സര വേദി (Jallikattu venue in Tamil Nadu).
എട്ട് റൗണ്ടുകളിലായി മത്സരം : രാവിലെ ആരംഭിച്ച് വൈകിട്ട് 4 മണിവരെ നടക്കുന്ന മത്സരം എട്ട് റൗണ്ടുകളായാണ് നടത്തുക. ഓരോ റൗണ്ടിലും 50 മുതല്‍ 75 വരെ കാളകളെ മെരുക്കുന്നവര്‍ പങ്കെടുക്കും. ഓരോ റൗണ്ടിലും ഏറ്റവും കൂടുതല്‍ കാളകളെ പിടിക്കുന്നവര്‍ക്ക് അടുത്ത റൗണ്ടില്‍ മത്സരിക്കാം. 1000 കാളകൾ ആണ് അവണിയാപുരം ജല്ലിക്കെട്ട് മൈതാനത്ത് എത്തിച്ചിരിക്കുന്നത് (Madurai Avaniyapuram).
ഒന്നാം സമ്മാനം കാര്‍? (price for the Jallikattu winner): മത്സര ദിവസം പുലര്‍ച്ചെ തന്നെ കാളകളെ മെരുക്കുന്നവരും കാളകളും ശാരീരിക പരിശോധനകള്‍ പൂര്‍ത്തിയാക്കണം. പിന്നാലെ തെരഞ്ഞെടുക്കപ്പെട്ട കാളകളും മത്സരാര്‍ഥികളും മൈതാനത്ത് എത്തണം. ഒന്നാം സമ്മാനം ലഭിക്കുന്ന കാളയുടെ ഉടമയ്‌ക്കും ഏറ്റവും കൂടുതല്‍ കാളകളെ മെരുക്കുന്ന ആള്‍ക്കും കാര്‍ ആണ് സമ്മാനം (who will win in Jallikattu).
മെഡിക്കല്‍ സൗകര്യം സജ്ജം : മത്സരത്തിനിടെ കാളകളെ മെരുക്കുന്നവര്‍ക്കോ കാളയ്‌ക്കോ പരിക്ക് പറ്റിയാല്‍ ആവശ്യമായ ചികിത്സ നല്‍കാനുള്ള സൗകര്യങ്ങള്‍ സജ്ജമാണ്. ആരോഗ്യ വകുപ്പിന്‍റെയും വെറ്ററിനറി വകുപ്പിന്‍റെയും ആഭിമുഖ്യത്തില്‍ പ്രത്യേക ഫസ്റ്റ്‌ എയ്‌ഡ് ക്യാമ്പുകള്‍ സംഘടിപ്പിച്ചിട്ടുണ്ട്. ഏത് നേരവും ആംബുലന്‍സും തയ്യാറാണ്. തുടര്‍ ചികിത്സക്ക് ആവശ്യമായ ക്രമീകരണം മധുര ഗവണ്‍മെന്‍റ് രാജാജി ആശുപത്രിയില്‍ സജ്ജമാണ് (medical facilities near Jallikattu venue).
രക്ഷാപ്രവര്‍ത്തനങ്ങള്‍ക്കായി ഇന്ത്യന്‍ റെഡ് ക്രോസ് സൊസൈറ്റിയുടെ വളന്‍റിയര്‍മാര്‍ വാടിവാസലിന് സമീപം നിലയുറപ്പിച്ചിട്ടുണ്ട്. സുരക്ഷയ്‌ക്കായി മധുര പൊലീസിലെ 800ല്‍ അധികം കോണ്‍സ്റ്റബിള്‍മാരെ മേഖലയില്‍ വിന്യസിച്ചിട്ടുണ്ട്.
ജല്ലിക്കെട്ടിലെ നിയമം : മറ്റെല്ലാ മത്സരങ്ങളെയും പോലെ തന്നെ ജല്ലിക്കെട്ടിനും നിയമങ്ങള്‍ ഉണ്ട്. കാളകളുടെ കൊമ്പില്‍ പിടിക്കാനോ കാലുകള്‍ കെട്ടാനോ പാടില്ല. കാളകളുടെ മുതുകിലാണ് പിടിക്കേണ്ടത് (Procedures of Jallikattu).
