ന്യൂഡല്‍ഹി: ഗാസയിൽ ഇസ്രയേൽ നടത്തുന്ന ആക്രമണത്തിൽ യുഎന്‍ ജനറല്‍ അസംബ്ലി അംഗീകരിച്ച പ്രമേയത്തില്‍ നിന്ന് ഇന്ത്യ വിട്ടുനിന്നതില്‍ ഞെട്ടല്‍ രേഖപ്പെടുത്തി ഇടത് പാര്‍ട്ടികള്‍. സാധാരണക്കാരുടെ സംരക്ഷണം ഉറപ്പാക്കുക, നിയമപരവും മാനുഷികവുമായ ബാധ്യതകള്‍ ഉയര്‍ത്തിപ്പിടിക്കുക എന്നീ തലക്കെട്ടിലാണ് ഐക്യരാഷ്‌ട്ര സഭയുടെ ജനറല്‍ അസംബ്ലിയില്‍ പ്രമേയമെത്തിയത്. എന്നാല്‍ പ്രമേയത്തിലുള്ള വോട്ടെടുപ്പില്‍ നിന്ന് ഇന്ത്യ വിട്ടുനില്‍ക്കുകയായിരുന്നു.
-
We support UN resolution on Palestine - Israel!#Israel #Gaza #Palestina #EndTheOccupation pic.twitter.com/GrGXDgiBrr
— CPI (M) (@cpimspeak) October 28, 2023 " class="align-text-top noRightClick twitterSection" data="
">We support UN resolution on Palestine - Israel!#Israel #Gaza #Palestina #EndTheOccupation pic.twitter.com/GrGXDgiBrr
— CPI (M) (@cpimspeak) October 28, 2023We support UN resolution on Palestine - Israel!#Israel #Gaza #Palestina #EndTheOccupation pic.twitter.com/GrGXDgiBrr
— CPI (M) (@cpimspeak) October 28, 2023
വിദേശനയത്തെ എതിര്‍ത്ത്: ഭൂരിപക്ഷവും അംഗീകരിച്ച പ്രമേയത്തില്‍ നിന്ന് ഇന്ത്യ വിട്ടുനിന്നു എന്നത് യുഎസ് സാമ്രാജ്യത്വത്തിന്‍റെ കീഴാള സഖ്യകക്ഷിയായി എന്ന ഇന്ത്യന്‍ വിദേശനയം വെളിവാക്കുന്നതും, യുഎസ്-ഇസ്രയേൽ-ഇന്ത്യ അവിശുദ്ധ കൂട്ടുകെട്ട് ഏകീകരിക്കാനുള്ള മോദി സർക്കാരിന്‍റെ നടപടികളുമാണ്. ഇത് പലസ്‌തീനിനോടുള്ള ഇന്ത്യയുടെ ദീർഘകാല പിന്തുണയെ നിരാകരിക്കുന്നതാണെന്നും സിപിഎമ്മും സിപിഐയും സംയുക്ത പ്രസ്‌താവനയില്‍ അറിയിച്ചു.
2.2 ദശലക്ഷം വരുന്ന പലസ്‌തീനികള്‍ താമസിക്കുന്ന ഗാസയിലെ എല്ലാ ആശയവിനിമയവും വിച്ഛേദിച്ചു. ഐക്യരാഷ്‌ട്ര സഭ ഇങ്ങനെയൊരു പ്രമേയം അംഗീകരിച്ചിട്ടും ഗാസ മുനമ്പിൽ ഇസ്രയേൽ വംശഹത്യ നടത്തുന്നതിനായി വ്യോമ, കര ആക്രമണങ്ങള്‍ ശക്തമാക്കിയതായും ഇവര്‍ പ്രസ്‌താവനയില്‍ കുറ്റപ്പെടുത്തി.
ആവശ്യങ്ങള്‍ ഇങ്ങനെ: യുഎന്നിന്‍റെ ജനറല്‍ അസംബ്ലിയുടെ അതിശക്തമായ പ്രമേയത്തെ മാനിച്ചുകൊണ്ട് ഉടനടി വെടിനിര്‍ത്തല്‍ ഉണ്ടാവണം. 1967 ന് മുമ്പുള്ള അതിര്‍ത്തി പ്രകാരം കിഴക്കന്‍ ജറുസലേം തലസ്ഥാനമാക്കിയുള്ള പലസ്‌തീനും, ഇരു രാഷ്‌ട്രങ്ങള്‍ തമ്മിലുള്ള പ്രശ്‌നപരിഹാരത്തിന് സെക്യൂരിറ്റി കൗൺസിലിന്‍റെ നിര്‍ദേശം നടപ്പാക്കാൻ ഐക്യരാഷ്‌ട്ര സഭ സ്വയം തയ്യാറാവണമെന്നും ഇടത് പാര്‍ട്ടികള്‍ പ്രസ്‌താവനയില്‍ ആവശ്യപ്പെട്ടു.
അതേസമയം ഇസ്രയേൽ സേനയും ഗാസയിലെ ഹമാസ് പോരാളികളും തമ്മിലുള്ള യുദ്ധത്തില്‍ മാനുഷിക പ്രശ്‌നങ്ങള്‍ മുന്‍നിര്‍ത്തി സുസ്ഥിരവും, നീണ്ടുനില്‍ക്കുന്നതുമായ വെടിനിർത്തലിന് ആഹ്വാനം ചെയ്യണമെന്ന ഐക്യരാഷ്‌ട്ര സഭയുടെ ജനറല്‍ അസംബ്ലിയുടെ പ്രമേയത്തിന് വലിയ പിന്തുണയാണ് ലഭിച്ചത്.
