ന്യൂഡൽഹി : വ്യാഴാഴ്‌ച മുതല്‍ കടകള്‍ തുറക്കുമെന്ന വ്യാപാരി വ്യവസായി ഏകോപന സമിതിയുടെ പ്രഖ്യാപനത്തിന് മറുപടിയുമായി മുഖ്യമന്ത്രി പിണറായി വിജയന്‍. വ്യാപാരികളുടെ വികാരം മനസിലാകും. എന്നാല്‍ മറ്റൊരു രീതിയില്‍ തുടങ്ങിയാല്‍ അതിനെ നേരിടേണ്ട രീതിയില്‍ നേരിടുമെന്നും മുഖ്യമന്ത്രി പറഞ്ഞു.
കടകള്‍ തുറക്കണമെന്ന ആവശ്യം നിലവിൽ അംഗീകരിക്കാന്‍ കഴിയാത്ത നിലയാണ്. കടകള്‍ തുറക്കണമെന്നത് എല്ലാവരുടെയും ആഗ്രഹമാണ്. എന്നിരുന്നാലും, സാഹചര്യമാണ് ഇപ്പോഴത്തെ നിയന്ത്രണങ്ങള്‍ക്ക് ഇടയാക്കിയിട്ടുള്ളത്.
Also Read: KERALA COVID CASES: കേരളത്തിൽ 14,539 പേർക്ക് കൂടി കൊവിഡ്
എവിടെയൊക്കെ നിയന്ത്രണങ്ങളില്‍ ഇളവ് നല്‍കാമോ അവിടെയെല്ലാം അനുവദിച്ചിട്ടുണ്ട്. നാടിന്‍റെ രക്ഷയ്ക്ക് വേണ്ടിയാണ് ഇത്തരം മാര്‍ഗങ്ങള്‍ സ്വീകരിക്കുന്നത്. ഇത് തിരിച്ചറിയാന്‍ വ്യാപാരികള്‍ തയ്യാറാകണമെന്നും മുഖ്യമന്ത്രി കൂട്ടിച്ചേർത്തു.
