മോദി കെജ്രിവാളുമായി ചര്‍ച്ച ചെയ്ത് പദ്ധതികള്‍ ആവിഷ്കരിക്കണമെന്ന് സിസോദിയ

രാജ്യത്തെ ജനജീവിതം മെച്ചപ്പെടുത്തുന്നതിനുള്ള പദ്ധതികളെക്കുറിച്ച് പ്രധാനമന്ത്രി അദ്ദേഹവുമായി ചർച്ച ചെയ്‌ത് തീരുമാനിക്കണമെന്ന് സിസോദിയ.

ന്യൂഡൽഹി: വികസന കാഴ്‌ചപ്പാടുകളുള്ള ഏക നേതാവ് മുഖ്യമന്ത്രി അരവിന്ദ് കെജ്‌രിവാളാണെന്ന് ഉപമുഖ്യമന്ത്രി മനീഷ് സിസോദിയ. രാജ്യത്തെ ജനജീവിതം മെച്ചപ്പെടുത്തുന്നതിനുള്ള പദ്ധതികളെക്കുറിച്ച് പ്രധാനമന്ത്രി നരേന്ദ്ര മോദി അദ്ദേഹവുമായി ചർച്ച ചെയ്‌ത് തീരുമാനിക്കണമെന്നും സിസോദിയ പറഞ്ഞു.

തെരഞ്ഞെടുപ്പ് നടക്കുന്ന സംസ്ഥാനങ്ങളിൽ നേതാക്കൾ 'കെജ്‌രിവാൾ മാതൃക' ഭരണം വാഗ്‌ദാനം ചെയ്യണം. വിവിധ നയങ്ങൾ വികസിപ്പിക്കുന്നതിനുള്ള ഒരു ലബോറട്ടറിയായി ഡൽഹി മാറിയെന്നും ഉപമുഖ്യമന്ത്രി അവകാശപ്പെട്ടു.