ബോളിവുഡിലെ ക്യൂട്ട് താര ദമ്പതികളാണ് കത്രീന കൈഫും വിക്കി കൗശലും (Katrina Kaif and Vicky Kaushal). ഇരുവരും തങ്ങളുടെ രണ്ടാം വിവാഹ വാർഷികം ആഘോഷിക്കുകയാണ് (Katrina Vicky celebrated wedding anniversary). വിവാഹ വാര്‍ഷിക ദിനത്തില്‍ നടനും ഭര്‍ത്താവുമായ വിക്കി കൗശലിനൊപ്പമുള്ള മനോഹരമായ സെൽഫി പങ്കുവച്ചിരിക്കുകയാണ് കത്രീന.
സെൽഫിയിൽ മനോഹരമായി പുഞ്ചിരിക്കുന്ന കത്രീനയേയും വിക്കിയേയുമാണ് കാണാനാവുക. മേക്കപ്പ് ഇല്ലാത്ത കത്രീന ആയിരുന്നു സെല്‍ഫിയില്‍. പച്ച നിറത്തിലുള്ള ഫ്ലോറൽ പ്രിന്‍റ് വേഷമാണ് കത്രീന ധരിച്ചിരിക്കുന്നത്.
അതേസമയം വെള്ള ടീ ഷർട്ടും തൊപ്പിയുമാണ് വിക്കി കൗശല്‍ ധരിച്ചിരിക്കുന്നത്. 'എന്‍റേത്' എന്ന അടിക്കുറിപ്പില്‍ വെള്ള നിറമുള്ള ഹാര്‍ട്ട് ഇമോജികളാണ് കത്രീന പങ്കുവച്ചിരിക്കുന്നത്. പോസ്‌റ്റിന് പിന്നാലെ നിരവധി പേര്‍ കമന്‍റുകളുമായി എത്തി. നിരവധി താരങ്ങളും കത്രീനയുടെ പോസ്‌റ്റിന് കമന്‍റുകള്‍ പങ്കുവച്ചു. പ്രിയങ്ക ചോപ്ര ഹാര്‍ട്ട് ഐ ഇമോജിയാണ് പങ്കുവച്ചിരിക്കുന്നത്.
അതേസമയം വിക്കി കൗശല്‍ മറ്റൊരു പോസ്‌റ്റുമായാണ് സോഷ്യല്‍ മീഡിയയില്‍ എത്തിയത്. കത്രീനയ്‌ക്കൊപ്പമുള്ള ക്യൂട്ട് വീഡിയോയാണ് താരം പങ്കുവച്ചിരിക്കുന്നത്. വിക്കിയും കത്രീനയും വിമാത്തിലിരിക്കുന്ന വീഡിയോയാണ് താരം പങ്കുവച്ചിരിക്കുന്നത്. വിക്കി സെല്‍ഫി വീഡിയോയിലൂടെ ക്യാമറ കത്രീനയിലേയ്‌ക്ക് ഫോക്കസ് ചെയ്യുമ്പോള്‍, തന്‍റെ മുന്നിലുള്ള സ്‌ക്രീനിൽ സിനിമ കാണുന്ന കത്രീന, ഏതാനും ആക്ഷന്‍ ചലനങ്ങള്‍ കാണിക്കുന്ന തിരക്കിലാണ്.
മനോഹരമായൊരു അടിക്കുറിപ്പിനൊപ്പമായിരുന്നു വിക്കി വീഡിയോ പങ്കുവച്ചത്. 'വിമാനത്തിനകത്ത്.. ജീവിതത്തിലെ വിനോദം! സുന്ദരിയായ നിന്നെ സ്നേഹിക്കുന്നു... ഇത് സൂക്ഷിക്കുക.' -ഇപ്രകാരമാണ് വിക്കി കൗശല്‍ കുറിച്ചത്.
2021ൽ രാജസ്ഥാനിൽ വച്ചായിരുന്നു ഇരുവരും വിവാഹിതരായത്. രാജസ്ഥാനിലെ സിക്‌സ്‌ സെൻസസ് ഫോർട്ട് ബർവാരയിൽ വച്ച് പ്രൗഢ ഗംഭീരമായാണ് ഈ ആഢംബര താര വിവാഹം നടന്നത്. 2021 ഡിസംബർ 7 മുതല്‍ 9 വരെയായിരുന്നു വിവാഹ ആഘോഷങ്ങൾ.
അതേസമയം ടൈഗർ 3 ആണ് കത്രീനയുടേതായി ഏറ്റവും ഒടുവില്‍ റിലീസായ ചിത്രം. നവംബര്‍ 12ന് തിയേറ്ററുകളില്‍ എത്തിയ ചിത്രത്തിന് മികച്ച സ്വീകാര്യതയാണ് പ്രേക്ഷകരില്‍ നിന്നും ലഭിച്ചത്. 'ടൈഗർ 3'യുടെ വിജയവും കത്രീന ആഘോഷിക്കുകയാണ്. സല്‍മാന്‍ ഖാന്‍ നായകനായി എത്തിയ ചിത്രം പത്ത് ദിവസം കൊണ്ട് തന്നെ ആഗോളതലത്തില്‍ 400.50 കോടി രൂപ കലക്‌ട് ചെയ്‌തിരുന്നു.
വിജയ്‌ സേതുപതിക്കൊപ്പമുള്ള (Vijay Sethupathi) മെറി ക്രിസ്‌മസ് ആണ് കത്രീനയുടെ റിലീസിനൊരുങ്ങുന്ന ചിത്രം. ഒരു സസ്പെൻസ് ത്രില്ലറായാണ് ചിത്രം തിയേറ്ററുകളില്‍ എത്തുക (Suspense thriller Merry Christmas).
അതേസമയം ബയോപിക് ഡ്രാമയായ സാം ബഹാദൂര്‍ (Sam Bahadur) ആണ് വിക്കി കൗശലിന്‍റേതായി തിയേറ്ററുകളില്‍ എത്തിയ ഏറ്റവും പുതിയ ചിത്രം. ചിത്രത്തിലെ വിക്കിയുടെ അഭിനയ മികവ് വളരെയധികം പ്രേക്ഷക പ്രശംസ നേടിക്കൊടുത്തു.
മേഘ്‌ന ഗുൽസാർ (Meghna Gulzar) സംവിധാനം ചെയ്‌ത ചിത്രത്തിൽ സന്യ മൽഹോത്രയും (Sanya Malhotra) ഫാത്തിമ സന ഷെയ്ഖും (Fatima Sana Shaikh) പ്രധാന വേഷങ്ങളില്‍ എത്തിയിരുന്നു. രൺബീർ കപൂറിന്‍റെ ആനിമലിനൊപ്പമാണ് (Ranbir Kapoor s Animal) 'സാം ബഹാദൂര്‍' തിയേറ്ററുകളില്‍ എത്തിയത്.
Also Read: പ്രണയാര്‍ദ്രരായി പൂളില്‍ കത്രീനയും വിക്കിയും, മനോഹര ചിത്രം ഏറ്റെടുത്ത് ആരാധകര്‍
