ബെംഗളുരു: കർണാടകയിലെ 19 ജില്ലകളിൽ ലോക്ക്ഡൗൺ ഇളവുകൾ പ്രഖ്യാപിച്ചതിനെ തുടർന്ന് ഓട്ടോറിക്ഷകളും ടാക്സികളും തിങ്കളാഴ്ച മുതൽ നിരത്തിലിറങ്ങിത്തുടങ്ങി.
സർക്കാർ പുറത്തിറക്കിയ വിജ്ഞാപന പ്രകാരം ഓട്ടോ, ടാക്സികൾക്ക് രാത്രി 7 മണി വരെ പ്രവർത്തിക്കാം. വ്യവസായങ്ങൾക്ക് 50 ശതമാനം ജീവനക്കാരുമായി പ്രവർത്തിക്കാൻ അനുവാദമുണ്ട്. ജൂൺ 18 വൈകുന്നേരം 7ന് നിലവിൽ വരുന്ന വാരാന്ത്യ കർഫ്യൂ ജൂൺ 21 രാവിലെ 5 വരെ തുടരും. മറ്റ് ദിവസങ്ങളിലെ രാത്രികാല കർഫ്യു വൈകുന്നേരം 7 മുതൽ രാവിലെ 5 വരെ നിലവിലുണ്ടാകും.
Also Read: വഴിമാറ്റി പ്രഫുല്‍ പട്ടേല്‍ ; ഔദ്യോഗിക സന്ദർശന പാതയിൽ നിന്ന് കൊച്ചി ഒഴിവാക്കി
അതേസമയം, സംസ്ഥാനത്ത് കഴിഞ്ഞ 24 ണണിക്കൂറിനിടയിൽ 7810 പുതിയ കൊവിഡ് കേസുകളും 18,648 രോഗമുക്തിയും 125 മരണങ്ങളും റിപ്പോർട്ട് ചെയ്തു. നിലവിൽ സംസ്ഥാനത്ത് 1,80,835 കൊവിഡ് രോഗികളുണ്ട്.
