ബെംഗളൂരു : അടുത്തിടെ ഭേദഗതി ചെയ്‌ത ചട്ടങ്ങൾ അനുവദനീയമല്ലെങ്കിലും വാടക ഗർഭധാരണത്തിനായി 12 ദമ്പതികൾക്ക് ഡോണർ ഗെയിമറ്റ് ഉപയോഗിക്കാൻ അനുമതി നൽകി കര്‍ണാടക ഹൈക്കോടതി(Karnataka HC allows 12 couples to undergo surrogacy despite regulations disallowing it). ഈ വര്‍ഷം മാര്‍ച്ചില്‍ പ്രാബല്യത്തില്‍ വന്ന വാടകഗര്‍ഭധാരണ നിയമഭേദഗതിയെ ചോദ്യം ചെയ്‌തുളള ഹര്‍ജികള്‍ പരിഗണിക്കവെ, ഹര്‍ജിക്കാര്‍ക്ക് വാടകഗര്‍ഭധാരണത്തിന് അനുമതി നല്‍കാന്‍ ജസ്റ്റിസ് എം നാഗപ്രസന്നയുടെ ബെഞ്ച് ബന്ധപ്പെട്ട അധികാരികളോട് നിര്‍ദേശിച്ചു. വാടകഗര്‍ഭധാരണത്തിനായി അണ്ഡം/ബീജം നല്‍കാന്‍ ഉദ്ദേശിക്കുന്ന ദമ്പതികൾക്ക് അത് ഉപയോഗിക്കാൻ കഴിയില്ലെന്ന് അധികാരികൾക്ക് ഹര്‍ജിക്കാരെ നിർബന്ധിക്കാനോ നിർദ്ദേശിക്കാനോ കഴിയില്ലെന്ന് കോടതി പറഞ്ഞു.
മറ്റെല്ലാ നിബന്ധനകളും പാലിക്കാൻ ഉദ്ദേശിക്കുന്ന ദമ്പതികൾ ഉണ്ടെങ്കിൽ, അപേക്ഷകൾ എന്തെങ്കിലും ഉണ്ടെങ്കിൽ, അധികാരികൾ അത് ഉടൻ തന്നെ പരിഗണിക്കുകയും യോഗ്യതാ സർട്ടിഫിക്കറ്റ് / എസൻഷ്യാലിറ്റി സർട്ടിഫിക്കറ്റ് നൽകുകയും ചെയ്യണം,” ജസ്റ്റിസ് എം നാഗപ്രസന്ന 13 ഹർജിക്കാരുടെ വിധിന്യായത്തിൽ പറഞ്ഞു. വിചാരണയ്ക്കിടെ ഹർജിക്കാരിൽ ഒരാൾ മരിച്ചതായാണ് വിവരം.
ഇക്കഴിഞ്ഞ മാര്‍ച്ചില്‍ വാടകഗര്‍ഭധാരണ ചട്ടങ്ങള്‍ ഭേദഗതി ചെയ്‌തുകൊണ്ടുളള കേന്ദ്രത്തിന്‍റെ വിജ്ഞാപനം പുറത്തുവന്ന് മാസങ്ങള്‍ക്ക് ശേഷമാണ് കര്‍ണാടക ഹൈക്കോടതിയുടെ വിധിന്യായം പുറത്തുവന്നത്. വാടക ഗർഭധാരണ ചട്ടങ്ങളിലെ ഫോം 2 ലെ ക്ലോസ് (1) (ഡി) ഭേദഗതി പ്രകാരം വാടക അമ്മമാർ വഴി കുഞ്ഞുങ്ങളെ ജനിപ്പിക്കാൻ ആഗ്രഹിക്കുന്ന ദമ്പതിമാര്‍ക്ക് രണ്ട് ഗെയിമറ്റുകളും നിര്‍ബന്ധമായും ഉണ്ടായിരിക്കണം.
