ബെംഗ്ലരൂ: വാക്സിനേഷന്‍ നിശ്ചയിച്ചതുപ്രകാരം എല്ലാവർക്കും ലഭ്യമാക്കുമെന്നും ഇതിനായി തിരക്കുകൂട്ടേണ്ടതില്ലെന്നും കർണാടകയുടെ ആരോഗ്യവകുപ്പ് മന്ത്രി ഡോ. സുധാകർ. രാജ്യത്ത് വാക്സിനേഷന്‍ പ്രകിയ ആരംഭിക്കാനിരിക്കെയാണ് മന്ത്രിയുടെ പരാമർശം.
"ഏകദേശം 1 കോടി വാക്സിന് ഡോസുകൾ മുന്‍പ് നിശ്ചയിച്ചതുപ്രകാരം ജനങ്ങൾക്ക് ലഭ്യമാക്കാന്‍ കാലതാമസമെടുത്തേക്കും. സെറം ഇൻസ്റ്റിറ്റ്യൂട്ടിൽ നിന്ന് ഞങ്ങൾക്ക് വാക്സിന് ലഭ്യമാകുമ്പോൾ നിങ്ങളെ തീർച്ചയായും അറിയിക്കും",മന്ത്രി പറഞ്ഞു.
സംസ്ഥാനത്ത് കൊവിഡ് വ്യാപനം രൂക്ഷമായതിനെതുടർന്ന് സർക്കാർ രണ്ടാഴ്ചത്തേക്ക് ലോക്ക്ഡൗൺ പ്രഖ്യാപിച്ചിരിക്കുകയാണ്. ഈ സാഹചര്യത്തിൽ കൊവിഡ് പ്രോട്ടോക്കോൾ കൃത്യമായി പാലിക്കണമെന്നും വീടിനുള്ളിൽ തന്നെ തുടരണമെന്നും ജനങ്ങളോട് കർണാടക മുഖ്യമന്ത്രി ബി എസ് യദ്യൂരപ്പ അഭ്യർഥിച്ചിരുന്നു.
